Ulounk Modot Hantuntle Nomune Koxe Uzar Korunk Zatat

Janer 2018 hea vorsa thaun, Amchem Kristi Jivit ani Porgottnni—Mittingechi Pustika hachea survatechea panar amkam ulounk modot zaunk nomune dilʼle asat. Ami te koxe uzar korunk zatat?

Vidhearthi Bhag Kortana: Ulounk modot hantunt dilʼlo prosn, Bible vers ani fuddle bhettek prosn uzar korat. Punn, ulounk modot hea viddeo-nt dilʼleant tinch utram uzar korunk zai oxem na. Tumi veg-vegllea zagear asat oxem ulounk zata, veg-veglle toren survat korunk zata, veg-veglle toreche prosn vicharunk zatat. Tumchea bhagant Seve Pasot Mukhel Prokaxonam hantuntlem prokaxon di mhunn sangonk na zalear-ui tumi tem diunk zata.

Sevent Astana: Ulounk Modot hantunt dilʼle nomune veg-vegllea toren ulounk toiar kelʼle asat. Ek munis aikonk umed dakhoita ani chodd zannam zaunk sodhta zalear porot bhett korunk dilea ti mahiti uzar korun, tumi tumchem ulovop chaluch dovrunk zata. Poristhiti pormonnem bodol korunk tumi ulounk modot hantunt dilʼlea nomuneantlim utram bodlunk zatat vo eka veglleach vixoi-acher ulounk zata. Fattlea eka mhoineant aslolo vixoi vo ek vegllem Bible vers uzar kelear tumchea vattarantlo lok aikonk umed dakhoitolo kai? Tumi ravtat thoincho lok halinche eke ghoddnne vixim vo khobram potrant aslole mahiti vixim ulounk chodd umed dakhoita kai? Tor tumi ulounk modot, hantunt dilʼle nomune veg-veglle toren uzar korunk zatat. Punn “xubhvortoman vistarche pasot” soglem korunk tumcho dhei asonk zai.—1Kor. 9:22, 23.