Ulounk Modot Hantuntle Nomune Koxe Uzar Korunk Zatat

Ulounk modot, he bhag toiar korunk amche bhav khub vavr kortat. Ani zaitea porgottnnarank tanchea vattarant he uzar korun khub faido zala. Punn sonvsarbhor poristhiti veg-veglli asa. Tor porgottnnaramnim porgottnni kortana tanchea vattarantlea lokank kitem aikonk avoddtta tea pormonnem tanchea uloupant vo vixoi-ant bodol korunk zata. Punn khas porgottnne vellar, amkam mellttat teo sogleo suchounneo ami sogleamnim pallunkuch zai. Amcho sogleancho dhei ekuch zaun asa. To mhunnttlear, Devachea Rajeachi bori khobor porgottun Jezun dilʼli adnea pallop.—Mt. 24:14.

Punn videartheache bhag kortana, porgottnnaramnim Jivit ani Porgottnni Mittingechea Pustikent aslolem ulounk modot, hantunt dilolea vixoi-acheruch ulounk zai. Punn tannim prosnant, Bible versant, fuddle bhettek prosnant bodol korunk zata vo tim veg-vegllea zagear vo poristhitint asat oxem ulounk zata. Punn hantunt bodol korcho nhoi mhunn sanglam zalear tannim bodol korcho nhoi. Atam porian videartheanche bhag kortana, ami Jun 2020 mittingechea pustikent, pan 8-acher asloleo suchounneo pallttalim. Punn atam thaun, ami hea lekhant diloleo suchounneo pallttolim.