AMCHEM KRISTI JIVIT
Nimannea Disanchea “Nimannea Disamnim” Toiar Ravat
Ami nimannea disanchea “nimannea disamnim,” ravtat dekhun dukh-tras anik vaddttolem mhunn ami opekxa korunk zata. (2Tim. 3:1; “porsuttvenninchi survat” obheasachi ttipnni Mt 24:8, nwtsty) Odruxtt ghoddtta tednam Jehovachem songontton amkam amcho jiv salvar korunk kitem korunk zai tea vixim sarkea vellar margdorxon dita. Tednam ami salvar zatolim zalear, atam ami hea don toren toiari korunk zai: Jehova sangata ghott ixttagot samballunk toiari korunk zai ani her toren toiari korunk zai.—Luk. 16:10.
Jehova sangata tumchi ixttagot ghott samballunk toiari korat: Devachem Utor xikchi sonvoim korat. Porgottnni korchi veg-veglli rit apnnaiat. Sobhentlea bhav-bhoinnank tumi thoddea vellak lagon mellonk pavonant zalear pasun bhienakat. (Iz. 30:15) Ugddas dovrat Jehova ani Jezu thaun tumi pois nant.—od 176-E ¶15-17
Her toren toiari korat: Ami odruxtta vella pasot ek beg toiar korunk zai. Tea bhair, ami amchea ghorant thoddeo jevnnacheo vostu, udok, vokhdam, ani her gorjecheo vostu haddun dovrunk zai. Odruxttachea vellar amkam thoddo temp dusrea zagear ravonk poddtta zalear hem ami uzar korunk xoktat.—Mho. 22:3; g17.5-E 4, 6
ODRUXTT AILEAR TUMI TOIAR ASAT KAI? HO VIDDEO POLLOIAT, ANI UPRANT SOKOL DILOLEA PROSNANCHE ZOBAB DIAT:
Odruxtta vellar Jehova sangata tumchi ixttagot samballunk tumi atam kitem korunk zata?
Ami vhoddilank amcho halincho potʼto ani fon number kiteak diunk zai?
Ami odruxttachea vella pasot ek beg kiteak toiar korunk zai?
Amcher koslim odruxttam ieunk xoktat ani ami tea vellar kitem korunk zata tea vixim, ami kiteak ulounk zai?
Odruxttak sampoddloleank khoinchea tin vattamnim ami modot korunk xoktat?
TUMKANCH VICHARAT, ‘COVID-19 pidde vellar odruxtta pasot toiar ravchea vixim hanv kitem xiklo?’