AMCHEM KRISTI JIVIT

Desachi Arthik Poristhiti Bigoddtta Tednam Tacho Fuddo Korunk Tumi Toiar Asat Kai?

Sonvsarant ghoddtta tea ghoddnneank lagon, sonvsarbhor poixeanchem unnemponn zata tem polloun ami ojap zainant. Karonn ami nimannea disanchea nimannea vellar jietat mhunn ami zannant. Toxench, Bible amkam “othir girestkaiancher” visvas dovorna zaunk xittkaunni dita. (1Tim. 6:17; 2Tim. 3:1) Tor poixeanchea unnemponna pasot toiari korchea vixim, Raza Jehoshafatachea udharonnantlean ami kitem xiktat?

Dusman akromonn korunk aile tednam Jehoshafatan Jehovacher visvas dovorlo. (2It. 20:9-12) Tannem toiari pasun keli. Zoxem, tannem purumentachim xaram bandlim ani bollvont zhuzareank dovorle. (2It. 17:1, 2, 12, 13) Tor Jehoshafata bhaxen ami pasun Jehovacher visvas dovrunk zai, ani teach borabor kotthin poristhitincho fuddo korunk toiari pasun korunk zai.

DESACHI ARTHIK PORISTHITI BIGODDTTA TEDNAM TACHO FUDDO KORUNK TUMI TOIARI KOXI KORUNK ZATA?

Jehova sangata tumchi ixttagot ghott korat: Tumchea lagim asa tantunuch dhadoxi ravat, ani Jehova tumcheo sodancheo gorzo purnn kortolo mhunn tacher aslolo visvas anikui ghott korat. (Mt. 6:26; 1Tim. 6:8) Tumcheo gorzo purnn korunk, tumi kednanch Bible-antlea totvam add voichimnant mhunn nichov korat. (Rom. 2:21) Toxench, light vo Internet na zalear, Bible ani Bible-acher adarit aslolim prokaxonam vachunk, tumche lagim adim fuddench thoddeo chhaploleo kopi dovrat. Ani zata zalear, electronic ritin aslolim prokaxonam poilinch download korun dovrat.

Adim fuddench panvlam gheiat: Poixeanchem unnemponn zaunchea poilinch, tumi rinn ghetlam zalear tem farik korat, ani gorje bhair poixe moddinakat. (Mho. 22:7) Toxench, zata zalear, jevonn ani her gorjecheo vostu haddun dovrat. Thoddea zannamnim poixe samballunk, aplea ghora, bhaji rovunk chintlam.

ODRUXTT AILEAR TUMI TOIAR ASAT KAI? HO VIDEO POLLOIAT ANI UPRANT HEA PROSNANCHE ZOBAB DIAT:

“Odruxtt Ailear Tumi Toiar Asat Kai?” hea video-ntlem ek chitr. Lhan chitrant ek Bible, go bag ani fon, toxench bandkam korpi lok distat.

Odruxttacho fuddo korunk ami poilinch koxi toiari korunk zata?

Tumcho zobab

“Odruxtt Ailear Tumi Toiar Asat Kai?” hea video-ntlem ek chitr. Bhav-bhoinnam odruxttak sampoddloleank modot kortat. Tim bandkamachea kamant bhag ghetat, toxench truck-antlem saman bhair kaddttat.

Ami dusreank modot korunk koxi toiari korunk zata?

Tumcho zobab