DEVACHEA UTRANTLE THEVE

Tumchea Purnn Kallzan Jehovachi Seva Korat

Kaleban survatek thaun purnn kallzan Jehova sangta tem pallʼllem (Josh. 14:7, 8)

Zantte piraier taka ek kotthin kam korunk sanglem tednam, Jehova apnnak modot kortolo mhunn patieun tannem tem kelem (Josh. 14:10-12; w04-E 12/1 12 ¶2)

Tannem purnn kallzan Jehovachi seva keli dekhun Jehovan taka besanvam dilim (Josh. 14:13, 14; w06-E 10/1 18 ¶11)

Sangata dovorlole fottu: Ek visvaxi bhoinn zantteponnak lagon ietat tea oddchonneancho fuddo korta. 1. Ti eka danddeacho adar gheun boson magnnem korta. 2. Ti eke tornatte bhoinni sangata jahir zagear porgottnni korta. 3. Ti aplea sobhent aslolea bhurgeank photo dakhoita. 4. Tika bhorvonso asa mhunn ti khuxal asa ani hea pasot tichea tonddar hanso asa.

Kaleban Jehovachem utor aikolem ani Jehova taka koxi modot korta tem tannem polloilem tednam tacho bhavarth anik ghott zalo. Teach bhaxen, Jehova amchea magnneak zobab dita ani amkam koxi modot korta tem ami polloitat tednam, tachi seva korit ravonk amkam urba melltta.—1Ju. 5:14, 15.