Jehovacher ani Jezucher Bhavarth Vaddounk Sasnak Khuxalkaien Jieiat! Hem Prokaxon Uzar Korat

Devak manvota tem korunk Bible videartheamnim aplo bhavarth ghott korunk zai. (Heb. 11:6) Tor ami amchea Bible videartheank, Sasnak Khuxalkaien Jieiat! hem pustok uzar korun tancho bhavarth ghott korunk modot korunk zata. Karonn hea pustokant, mhotvachim versam, spoxtt somzonni, chintunk laitat tosle prosn, urba ditat tosle video ani sobit chitram asat. Tor Kristi gunn vaddounk ani Deva sangata ixttagot zoddunk ami tankam modot kortat tednam eka-orthan hulpon vochonant tosleo vostu uzar korun ami tancho bhavarth ghott kortat.—1Kor. 3:12-15.

Punn amkam Dev disona, hea karonnak lagon tim Devachim ixtt zaunk xokonant oxem thoddeank dista. Tor Jehova vixim zannam zaunk ani tacher visvas dovrunk ami tankam modot korunk zata.

“SASNAK KHUXALKAIEN JIEIAT!” HEM PROKAXON UZAR KORUN JEHOVACHER BHAVARTH VADDOIAT, HO VIDEO POLLOIAT ANI UPRANT HEA PROSNANCHE ZOBAB DIAT:

• Bhoinnin Bible obheasak bori toiari kelʼli mhunn ami kiteak mhunnonk zata?

• Izaias 41:10, 13 vixim aplem Bible videarthi kitem chintʼta tem zannam zaunk tea bhoinnin anik kosle prosn uzar kele?

• Video ani Bible versancho videartheacher koslo porinnam zalo?

Soddvonn mhunnttlear kitem, tem zaitea zannank somzona vo tem Devan tankam dilʼlem ek dennem oxem tankam disona. (Gal. 2:20, NW) Hea pasot, Jezun dilʼlea soddvonnecher tancho bhavarth ghott korunk ami tankam modot korunk zai.

“SASNAK KHUXALKAIEN JIEIAT!” HEM PROKAXON UZAR KORUN JEZUCHER BHAVARTH VADDOIAT, HO VIDEO POLLOIAT ANI UPRANT HEA PROSNANCHE ZOBAB DIAT:

• Bhavan Bible obheasak bori toiari kelʼli mhunn ami koxim zannant?

• Bhavan, “Anik Sodhat” ho bhag, aplea videartheak lagu zata tea toren koso uzar kelo?

• Eka videarthea pasot magnnem korop kiteak gorjechem?