Kazar—Jivitbhorcho Sangat

Ek borem kazari jivit, Jehova Devak mhoima haddtta ani ghov-bailek khuxalkai dita. (Mk. 10:9) Punn amchem kazari jivit khuxal astolem ani tem togtolem zalear, kazari sangati vinchun kaddttana ami Bible-antlea totvam pormonnem vinchun kaddunk zai.

Tumchi “tornni pirai soron gelea” uprantuch tumi dating korop sarkem zatolem. (1Kor. 7:36, NW) Karonn tornne piraier loingik anvdde chodd astat. Tea pasot, bore nirnnoi korunk amkam kotthin zaunk xokta. Tor tumi ankvar asat tea meren, tumcho vell xanneponnan uzar korat. Jehova sangata tumchi ixttagot ghott korat ani Kristi gunn vaddoiat. Tumi oxem kelem zalear tumi kazar zalea uprant, tumchem kazari jivit khuxalkaiechem astolem.

Tor kazar zaunchea poilim, tumi kazar zaunk sodhtat tea munxachem ‘kalliz’ vollkhon gheunk goroz titlo vell gheiat. (1Ped. 3:4) Tumkam tea munxa vixim dubhav asat, ani te dubhav khorench gombhir asat zalear tachea sangata tea vixim uloiat. Her nateam bhaxen tumchea kazarant pasun, tumcho kazari sangati tumkam kitem diunk xokta tacheruch nhoi, punn tumi tumchea kazari sangateak kitem diunk xoktat tacher dhean diat. (Filp. 2:3, 4) Tumi kazara poilim Bible-antlim totvam apnnailim zalear, kazara uprant pasun Bible-antlim totvam apnnait ravonk tumkam sompem zatolem. Ani oxem kelear, tumchem kazari jivit khuxalkaiechem zatolem.

KAZARI JIVITA PASOT TOIARI KOROP—BHAG 3: ‘POILOCH ODMAS KADDAT,’ HO VIDEO POLLOIAT ANI UPRANT HEA PROSNANCHE ZOBAB DIAT:

• Tea bhoinnik survatek Shane-a vixim koxem distalem?

• Uprant tika Shane-a vixim kitem kollon ailem?

• Tea bhoinnichea avoi-bapain tika koxi modot keli, ani tinnem koslo boro nirnnoi ghetlo?