Zhuz Ani Hinvsa Kiteak Bond Zainant?

PATOK

Amchim poilim avoi-bapui Adanv ani Evek, Devan aplea sarkim rochlolim. (Utpoti 1:27) Hacho orth tim Devache gunn, zoxem xanti ani mog dakhounk xoktalim. (1 Korintkarank 14:33; 1 Juanv 4:8) Punn tannim Devachem aikonk na ani patok kelem. Haka lagon amcher sogleancher patok ani moronn ailem. (Romkarank 5:12) Ani patkak lagon amchea monant vaitt chintnam ietat, zaka lagon ami vaitt kamam kortat.—Utpoti 6:5; Marku 7:21, 22.

MUNXANCHE SORKAR

Devan munxak munxacher raz cholounk rochunk na. Bible sangta: “Monʼxancheo vatto tanchea hatant nant, aplim panvlam nitt vatter ghalunk tanche adhin na.” (Jeremias 10:23) Haka lagon munxachea sorkaram lagim zhuzam purnn toren kaddunk zainant.

SOITAN ANI TACHE NOXTTE DUT

Bible sangta ki “akʼkho sonvsar noxtteachea tabeant asa.” (1 Juanv 5:19) Ho ‘noxtto’ mhunnttlear Soitan, ani to ek khun korpi zaun asa. (Juanv 8:44) To ani her noxtte dut, zhuz ani hinvsa korunk lokank uksaitat.—Prokasovnni 12:9, 12.