ZAGRUT RAVAT!
Dhorm ani Ukraine-antlem Zhuz—Hea Vixim Bible Kitem Sangta?
Dhormik fuddari ani Ukraine-antlea zhuza vixim halinchea thoddea riporttamnim kitem sanglam tem polloiat:
“Russia-n Ukraine-acher kelʼlea zhuza vixim Arkbishop Kirill, zo Russia-che Orthodox Igorjecho fuddari zaun asa, tannem Russia-chea add kainch mhunnonk na . . . Zhuz korop sarkem aslem mhunn Putin-an bhaxonn dilʼlem. Tea bhaxonant, Ukraine-acher kelʼlea akromonna vixim Kirill-ache Igorjechea procharantli mahiti uzar kelʼli.”—EUobserver, Mars 7, 2022.
“Arkbishop Kirill-an . . . Russia-n Ukraine-acher kelʼlem akromonn sarkem zaun asa mhunn dakhoun dilam. Ani tem patka add kelʼlea zhuzacho ek bhag zaun asa oxem taka dista.”—AP News, Mars 8, 2022.
“Ukraine-achea Orthodox Igorjecho fuddari, to mhunnttlear Kyiv-acho Arkbishop, Epiphanius I, hannem Somara disa, ‘Ukraine-acher akromonn korpi Russia-chea soinikam add zhuzonk’ aplea lokancher besanv ghatlem . . . Toxench Russia-chea soinikank jivexim marop ek patok nhoi, oxem pasun [tannem] sanglem.”—Jerusalem Post, Mars 16, 2022.
“Ami [the Ukrainian Council of Churches and Religious Organizations (UCCRO)] Ukraine-achi Soin ani Ukraine-a pasot zhuztolea sogleank tenko ditat, tancher amchem besanv ghaltat ani tanche pasot magnnem kortat.”—UCCROa Statement, Febrer 24, 2022.
Tumkam kitem dista? Apunn Kristacho pattlav kortat mhunn sangtat tea dhormanim aplea lokank zhuz korunk urba divop sarkem zaun asa? Hea vixim Bible kitem sangta?
Dhormanim adim thaun zhuzam korunk tenko dila
Dhormik fuddari apunn xanti korunk sodhtat oxem dakhoun ditat. Punn tannim choddxe pavtti, zhuzam korunk maniotai ani tenko dila, toxench lokank zhuzam korunk urba pasun dilea mhunn itihasantlean amkam kollon ieta. Khub vorsam thaun, Jehovachea Sakxeamnim dhormik fuddareanchem hem ddhongeponn ukteponnim dakhoun dilam. Hea vixim amchea prokaxonamnim aslolim thoddim udharonnam polloum-ia.
“The Crusades—A ‘Tragic Illusion’” hea lekhant, Roman Catholic Igorjen Devachea ani Kristachea nanvan hozaramnim lokank jivexim marle tea vixim sanglam.
“The Catholic Church in Africa” hea lekhant, kullam modem zhuz zalem, toxench ek akʼkhea kullacho nas zaunk pavlo tednam dhormachean tem addaunk zaunk na hachem ek udharonn dilam.
“Is Religion to Blame?,” “Religion’s Role in Man’s Wars,” ani “Religion Takes Sides” hea lekhamnim, Catholic, Orthodox ani Protestant dhormachea fuddareamnim eka-meka add zhuz kortolea donui pokxank koso tenko dilo tea vixim sanglam.
Kristanv dhormanim zhuzank tenko diunk zai kai?
Jezun kitem xikoilem: “Tuzoch kortai toso, tujea peleacho mog kor.” (Matev 22:39) “Tumchea dusmanancho mog korat.”—Matev 5:44-47.
Hea vixim chintat: Eka dhorman, Jezun eka-mekacho mog korunk dilʼli adnea apunn pallttat mhunn sangop ani teach vellar aplea lokank dusreank zhuzant jivexim marunk urba divop sarkem zaun asa kai? Hacho zobab zannam zaunk, “True Christians and War” ani “Is It Possible to Love One’s Enemies?” he lekh vachat.
Jezun kitem sanglem: “Mhojem raj hea sonvsarantlem nhoi; Mhojem raj hea sonvsarantlem zalʼlem zalear, Hanv Judevanchea hatant poddona zaunk Mhoje sevok zhuztole asle.” (Juanv 18:36) “Torvar kaddtat te torvarin mortole.”—Matev 26:47-52.
Hea vixim chintat: Zor Kristanvamnim Jezuchi rakhonn korunk pasun zhogddim korop sarkem naslem, zalear tannim anik koslea-i karonnank lagon hotʼtearam uzar korop sarkem zatolem kai? Adlea tempa voilea Kristanvamnim visvaxiponnan Jezuchi dekh ani xikounn koxi apnnaili tem zannam zaunk, “Is War Compatible With Christianity?” ho lekh vachat.
Zhuz korunk urba ditat tea dhormanchem kitem zatolem?
Apunn Kristanv mhunn sangtat punn Jezuchi xikounn pallinant toslea dhormank Dev nakarta mhunn Bible xikoita.—Matev 7:21-23; Titak 1:16.
“Sonvsarant jivexim marleant” tea sogleanchea mornnak lagon Dev hea dhormank zobabdar tharaita mhunn Prokasovnnichem pustok dakhoun dita. (Prokasovnni 18:21, 24) Punn Dev hea dhormank kiteak zobabdar tharaita tem zannam zaunk, “What Is Babylon the Great?” ho lekh vachat.
Zoxem borem foll dina toslem zhadd “katortat ani ujeant uddoitat”, teach bhaxen Devan nakarlolea dhormancho tanchea vaitt kamank lagon nas zatolo mhunn Jezun sanglem. (Matev 7:15-20) Hem koxem zatolem tem zannam zaunk, “Dhormanchea Navan Adartat Tea Vaxtt Vostuncho Xevott Zatolo?” ho lekh vachat.
Photo credits, left to right: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images
a UCCRO vo Ukrainian Council of Churches and Religious Organizations, hantunt Orthodox, Grik, Roman Catholic, Protestant ani Kristanvanche her dhorm, toxench Judev ani Muslim osleo 15 igorjeo mellon asat.