COVID-ak Lagon 60 Lakh Lok Melo—Hache Vixim Bible Kitem Sangta?

May 23, 2022 meren, 62,70,000 lok COVID-19 piddek lagon bhair poddle mhunn World Health Organisation-an (WHO) sanglem. Punn May 5, 2022 tarker chhaplolea tanchea news riporttant, mornnacho ankddo tache poros chodd aslo mhunn sanglolem. 2020 ani 2021 vorsa, “COVID-19 piddek lagon vo taka zuddlolea her karonnank lagon meleant tancho ankddo . . . sumar 1,49,00,000 aslo,” oxem tantunt mhunnttlolem. Tor oslea dukhachea ghoddnneam vixim Bible kitem tori sangta kai?

Bhirankull pidda posortoleo mhunn Bible-ant adim fuddench sanglolem

•  ‘Nimannea disanchea’ kallar “bhirankull pidda,” vo duensam posortolim mhunn Jezun adim fuddench sanglolem.—Lukas 21:11, Contemporary English Version; 2 Timotak 3:1.

Jezun sangloli bhasaunni aiz purnn zata. Hea vixim anik zannam zaunk, “What Is the Sign of ‘the Last Days,’ or ‘End Times’?” ho lekh vachat.

Bible amkam bhuzvonn dita

•  ‘Amchea gorzamnim amkam dhir vo bhuzvonn diupi Dev, soglea amchea koxttam-dukhimnim amkam dhir vo bhuzvonn dita.’—2 Korintkarank 1:3, 4.

Aplea mogacheank mornnant sanddlolea zaitea zannank, Bible-achea sondexantlean bhuzvonn mellʼllea. Hea vixim, “Coping With Grief—What You Can Do Today“ ani “The Best Help for Those Who Grieve” hea lekham thaun anik zannam zaiat.

Sasna pasot bodol zauncho asa mhunn Bible-ant sanglam

•  “Tujem Raj ieum. Tuji khuxi sorgar zata, toxi sonvsarant zaum.”—Matev 6:10.

Beginuch “Devachem Raj” kitem tori korchem asa, jea udexim “thoinsor ravpi konnuch ‘apunn boro na mhonn’ sangcho na.” (Marku 1:14, 15; Izaias 33:24) Tor hea sorginchea rajea vixim ani tem kitem korchem asa tem zannam zaunk, Devachem Raj Mhunnttlear Kitem? ho video polloiat.

Tumkam ani tumchea familik Bible-ant aslolea zannvaiechea solʼleantlean ani ojapachea bhasaunneantlean faido zaunk, ami tumkam Bible xikonk urba ditat.