Iskolamnim Far Martat—Bible Hea Vixim Kitem Sangta?

May 24, 2022 hea disa, Texas, U.S.A.-nt aslolea, Uvalde nanvachea eka lhan xarant ek dukhest ghoddnni ghoddli. The New York Times-ant sanglolem toxem, “Robb Elementary School-ant . . . eka munxan 19 bhurgeank ani don tticherink faran marlim.”

Dukhachem mhunnttlear, osleo bhirankull ghoddnneo ghoddot astat. USA Today-nt sanglolem ki United States-antuch, “gelʼlea vorsa iskolamnim 249 pavtti far marlole. Ani 1970-a thaun, itlea vhodd promannan oxem kednanch zaunk naslem.”

Itleo vaitt ghoddnneo kiteak ghoddttat? Oslea vaitt ghoddnneancho ami koso fuddo korunk zata? Osli hinvsa kednam tori somptoli mhunn koslo-i bhorvonso asa kai? Bible-ant hea prosnanche zobab dilʼle asat.

Sonvsarant hinvsa kiteak vaddot asa?

•  Ami jietat tea kallak Bible-ant ‘nimanne dis’ mhunnttleat, jednam zaitim munxam “moipas naslolim” ani “nixttur” astolim. Tem mhunnttlear, tim krur ani hinvsen bhorlolim kamam kortolim. Ani oslim munxam “odik-odik paxtt zaun vetolim.” (2 Timotak 3:1-5, 13) Hea vixim anik zannam zaunk, “Did the Bible Predict the Way People Think and Act Today?” ho lekh vachat.

Zaito lok chintunk puro, ‘Iskolamnim far martat, osleo bhirankull ghoddnneo Dev kiteak addaina?’ Bible hea vixim kitem sangta tem zannam zaunk, “Bad Things Happen to Good People—Why?” ho lekh vachat.

Oslea vaitt ghoddnneancho ami koso fuddo korunk zata?

•  “Jem sogllem adim boroun dovorlam, tem amcho bhorvanso upzounk boroilam, kiteak Povitr Pustokar boroilolem asa tem amkam . . . dhir dita.”—Romkarank 15:4.

Hea hinvsen bhorlolea sonvsaracho fuddo korunk, Bible-antlim totvam amkam modot korunk xoktat. Hea vixim anik zannam zaunk, “Will Violence Ever End?” hem Zagrut Ravat! masik polloiat.

Bhirankull ghoddnneam vixim khobro aikotat tednam avoi-bapaimnim aplea bhurgeank koxi modot korunk zata tea vixim, “Disturbing News Reports and Your Children” hea lekhant boreo suchounneo dilʼleo asat.

Osli hinvsa kednam tori somptoli kai?

•  “Zulum ani zobordosti sonstoleank to soddoitolo.”—Stotr 72:14.

•  “Torsadi moddun tim nangor kortolim ani bhale moddun koiteo kortolim. Raxttr raxttracher tolvar ubarchem na, zhuzak konn anink toiari korcho na.”—Mika 4:3.

Munxam korunk xokonant, tem Dev kortolo. Tem mhunnttlear, Devachem sorginchem Raj soglim hotʼtearam ani hinvsa kabar korun uddoitolem. Devachem Raj anik kitem kortolem tem zannam zaunk, “Under God’s Kingdom ‘Peace Will Abound’” ho lekh vachat.