Tumi Tumcho Fuddari Mhunn Konnak Vinchun Kaddttolim?—Hea Vixim Bible Kitem Sangta?

Konnank fuddari mhunn vinchun kaddttolim hea vixim lokank mhotvacho nirnnoi gheunk poddtta.

Hea vixim Bible kitem sangta?

Sonvsarantlea fuddareank unnemponnam asat

Tea unnemponnam vixim Bible amkam dakhoun dita.

• “Razkarbhariancher visvas dovrum naka, osokt soimbachea monxacher patieun ravum naka: Tuka soddounk taka tank na! Prann soddlo mhonnttoch, to babddo dhulʼlintlo ailʼlo dhullint portun veta; teach vellar soglleo tacheo manddnnio fiskottun geleo.”—Stotr 146:3, 4.

Ek fuddari kitlo-i boro asum, to ek-na-ek dis mortach. Tea bhair, tachea fattlean je fuddari ietole, te pasun borim kamam kortole mhunn kainch visvas na.—Upodexok 2:18, 19.

• “Monxancheo vatto tanchea hatant nant, aplim panvlam nitt vatter ghalunk tanche adhin na.”—Jeremias 10:23.

Tor, ek munis aplim panvlam nitt fuddem ghalunk xokona dekhun, to dusreancher odhikar kednanch cholounk xokona mhunn Bible dakhoun dita.

Toxem zalear, ek boro fuddari konn zaunk xokta?

Devan vinchun kaddlolo fuddari

Devan sogleam-von purto ani patieunk zata toslo fuddari vinchun kaddla mhunn Bible sangta. To mhunnttlear, Jezu Krist. (Stotr 2:6) Jezu Devachea Rajeacho, Raza zaun asa. Ani to apli razvottki vo sorkar sorgar thaun choloitolo.—Matev 6:10.

Tor, tumi Jezuk tumcho fuddari mhunn vinchun kaddttolim kai? Ho prosn kiteak mhotvacho zaun asa tea vixim Bible amkam sangta:

• “Zo Putacher [Jezu Kristacher] bhavarth dovorta taka sasnachem jivit mellttolem; ani zo Putachi adnea pallina taka jivit mellchem na, punn Devacho rag tacher urtolo.”—Juanv 3:36.

Bible dakhoun dita ki Jezu 1914 hea vorsa thaun sorgar Raj choloit asa, ani beginuch to soglea munxachea sorkarancho nas kortolo. (Daniel 2:44) Tor, tumi konnank fuddari mhunn vinchun kaddttolim tea vixim tumi atam nirnnoi gheunk zai.

Jezuchea razvottkek tumi koso tenko diunk zata tea vixim anik zannam zaunk, “Choose to Support God’s Kingdom Now!” ho lekh vachat.