Jehovachim Sakxim Bible xikonk koxim modot kortat?
Bible kitem xikoita tem somzonk Jehovachea Sakxeamnim ek bori manddavoll kelea. Bible xiklolean:
Tumkam khuxalkaiechem jivit mellonk xokta
Tumi Devachim ixttam zaunk xoktat
Fuddara pasot Devan bhasailam tem tumkam xikonk mellttolem
Hea panar
Hanv Bible xiktam zalear, hanvem ek Jehovacho Sakxi zaunkuch zai kai?
Mhojea sangata hanvem dusreankui Bible xikonk apounk zata kai?
Hanv Jehovachea Sakxeam sangata adim Bible xiktalo zalear hanvem porot xikonk zata kai?
Bible koso xikonk zata?
Ek xikoupi ek-ek vixoi gheun Bible-ant kitem asa tem zannam zaunk tumkam modot kortolo. Sasnak Khuxalkaien Jieiat! hea pustokachea adaran Bible kitem xikoita ani Bible xikon tumkam koxi modot zatoli tem tumkam zannam zaunk mellttolem. Anik chodd zannam zaunk video polloiat.
Bible xikonk hanvem poixe farik korunk zai?
Na. Jezun aplea xisank kitem sanglem tem Jehovachim Sakxim pallttat. Tannem mhunnttlem: “Tumi funkott ghetlam, funkea diat.” (Matev 10:8) Bible xikoitat tankam poixe farik korunk poddona. Titlench nhoi, Bible xikonk tumkam jim sadhonam mellttolim zoxem Sasnak Khuxalkaien Jieiat! hem pustok ani Bible, tea pasot-ui tumi poixe farik korunk poddonant.
Hanvem kitlo temp xikonk poddttolem?
Hea pustokant 60 odheai asat. Eka sumanant kitle odheai xikpachem tem tumi tharaunk zata. Punn choddxim zannam eka sumanak ek vo chodd odheai xiktat.
Bible xikonk hanvem koxem suru korunk zata?
1. Online aslolem fom bhorat. Tumi mahiti ditat ti Jehovachim Sakxim fokot tumkam sompork korunk uzar kortolim.
2. Ek xikoupi tumkam sompork kortolo. Tumi hea pustokachea adaran Bible koso xikonk zata tea vixim xikoupi tumkam sangtolo. Toxench, tumkam kitem-i prosn asat zalear tanchi zap-ui ditolo.
3. Tumchea xikoupea sangata tumi manddavoll korchi. Tumi tumchea ghorant vo fonacher vo email dhaddun xikonk zata. Thoddim zannam sumar ek vor xiktat. Punn tumi kitlo vell xiktolim tem tumi tharaunk zata.
Hanvem thodde dis xikon pollounk zata kai?
Hoi, toxem korunk online fom bhorat. Xikoupi tumkam bhett korta vo sompork korta tednam tumi thodde dis xikon pollounk sodhtat mhunn taka sangonk zata. To vo tem Sasnak Khuxalkaien Jieiat! hea pustikent aslolim tin survatechim lisanvam uzar korun Bible xikonk tumkam modot kortolim.
Hanv Bible xiktam zalear, hanvem ek Jehovacho Sakxi zaunkuch zai kai?
Na. Jehovachea Sakxeank dusreank Bible-a vixim xikounk khub avoddtta. Punn amchea dhormant ieunk ami konnacheruch dobhav ghalinant. Tachea bodlek, Bible kitem xikoita tem ami dusreank dakhoun ditat. Ani xiklam tacher bhavarth dovorcho vo na tem dor eklean tharaunk zata.—1 Pedru 3:15.
Hanvem mhozo Bible uzar korunk zata kai?
Hoi, tumi khoinchem-i bhaxantor uzar korunk zata. Amkam New World Translation of the Holy Scriptures, hem bhaxantor avoddtta karonn tem somzonk sompem asa. Punn, ami somzotat ki tumkam ghoddie ek dusrem bhaxantor vachunk avoddtta astolem.
Mhojea sangata hanvem dusreankui Bible xikonk apounk zata kai?
Hoi. Tunvem tujea ghorcheank vo ixttank tujea sangata Bible xikonk apounk zata.
Hanv Jehovachea Sakxeam sangata adim Bible xiktalo zalear hanvem porot xikonk zata kai?
Hoi. Oxem kelʼlean tuka Bible poilim poros anik bore ritin xikonk mellttolo. Bible xikonk atam hem novem pustok asa jem lokancheo halincheo gorzo motint dovrun toiar kelam. Hantunt poilim poros chodd chitram ani video asat. Bible xiktana tumchea xikoupea lagim bore ritin ulounk ani prosn vicharunk tumkam sondhi mellttoli.
Konnacho adar ghenastana Bible xikonk zata kai?
Hoi. Eka xikoupeachea adaran Bible bore ritin xikonk zata hem khorem. Punn thoddim survatek xikoupi nastana eklinch xikonk sodhtat. Bible Obheas Korunk Sadhonam hea panar thoddim sadhonam asat jea vorvim tumi Bible xikonk zata. Sokol dilʼlim sadhonam tumkam faideak poddttolim:
Online Bible Study Lessons. aHea bhagant amchea jivitantlea mhotvachea prosnanche zobab dilʼle asat. Zoxe: Dev konn? Tras ani vaittponn kiteak asa? Amche tras kednam tori kabar zatole?
Bible-achea Adarit Video. He lhan video Bible-antlim mhotvachim sotam zannam zaunk amkam modot kortat.
Bible Adarit Prosnanche Zobab. Hea lekhant zaite prosnache zobab Bible-achea adaran dilʼle asat.
Bible Verses Explained. Hanga Bible-antlea zaitea versancho ani vollincho orth somzailʼlo asa.
a Online lessons Konkani bhaxent nant, punn Inglez ani her bhasamnim asat.