• Janer—Jivit ani Porgottnni Mittingechea Pustike Pasot Modot
    Mittingechea Pustike Pasot Modot—2019 | Janer

    • 11 Tor teo khobro sarkeoch chukicheo aslear pasun, Kristanv zalʼle Judevank tem aikon khont zali. Hea karonnak lagon, zantteamnim Pauluk hem margdorxon dilem: “Tor ami tuka sangtanv toxem tum kor. Amche modem apnnam vixim angovnn kelʼle choug dadle hanga asat. Tankam tuje borabor vhor, tanchea sangata tuji xudʼdhi kor ani tannim aple kens tasunk tum poixe farik kor. Tednam tuje vixim tannim aikolam tem sarki fott mhonn ani tunch tujea kornniamnim Somurt samballtai mhonn soglleank kollon ietolem.”—Itihas 21:23, 24.

      12 Paulu aplea vixim sangloleo khobro nhoi punn Kristanv zalʼlea Judevamnim Moizesachi Somurt pallunk dakhoiloli umed khori somosia asli mhunn to sangonk xoktalo. Punn tannem toxem korunk na, Tannem zantteamnim sanglolem tem manun ghetlem karonn toxem kelolean to apunn Devachim totvam moddcho naslo mhunn zannam aslo. Hache poilim tannem oxem boroilolem: “Somurtiche adhin asloleank zoddun gheunche khatir, zorui hanv Somurtichea adhinponnant na, torui Somurtiche adhin aslole porim hanv vaglom.” (1 Kor. 9:20) Hea pavtt, Paulun Jerusalemantlea zantteanchem aikolem ani “somurtiche adhin” zalo. Oxem kelolean tannem amkam sogleank, amkam zai toxem korchea bodlek vhoddilank sohokar diunk ek borem udharonnn dovorlem.—Heb. 13:17.

  • “Hanv Kitem Sangonk Sodhtam Tem Aikon Gheiat”
    ‘Devachea Rajea Vixim Bore Bhaxen Sakx Diat’

    • c Tea char dadleamnim Nazaritanchi angvonn kelʼli mhunn thodde zannar sangtat. (Lok. 6:1-21) Moizesa udexim dilʼlea Kaidea pormonnem osli ek angvonn korunk zatali, punn ho Kaido atam pallchi goroz nasli. Tori astana, tea munxamnim Jehovak ek angvonn kelʼli zalear ti pallop chukichi nhoi mhunn ghoddie Paulun chintlem astolem. Ani takach lagon, to tanchea sangata vochonk ani tancho khorch bagounk toiar zalo. Ti khorench kosli angvonn asli tem amkam sarkem khobor na. Punn patkanchem bhogsonnem mellonk, Nazaritanchea angvonne pormonnem zonvarachem bolidan ditale. Ani Paulu oxem korunk toiar zauncho naslo. Karonn Jezun apli poripurnn kudd bolidan mhunn bhettoili, taka lagon patkanchem bhogsonnem mellonk, zonvarachem bolidan diunchi goroz nasli. Tor Paulun kitem kelem tem amkam sarkem khobor na. Tori astana, tachem ontoskornn dukhovta toxem tannem kainch korunk na astolem mhunn ami khatri dovrunk zata.