Porgottnnechea Kamant Amchi Kola Vaddoum-ia—Amchea Vidʼdhearteamnim Koxi Toiari Korchi Tem Xikoun

KITEAK GORJECHEM: Amchea vidʼdhearteamnim Bible obheasachi toiari keli zalear, ami xikoitat tednam tankam sompeponnim somzotolem ani tanchea ugddasak urtolem. Oxe toren tanchi udorgot begin zatoli. Bautizm ghetlea uprant-ui ‘zagrut ravonk’ tannim mittingechi ani porgottnnechi toiari korop gorjechem. (Mt. 25:13) Taka lagon, obheas koso korcho ani obheasak lagon vell koso kaddcho hem xikoilear, tankam sodanch faideak poddttolem. Bible obheasak toiari korchi sonvoim korunk, ami survatek thaunuch tankam xikounk zai.

HEM KOXEM KORCHEM:

• 

  Tumi borem udharonn dovrat. (Rom. 2:21) Dor ek pavtt tumi toiari kortana, vidʼdhearteak monant dovrat. (km-E 11/15 3) Tumi tumchea pustokar zobab koxe mark keleat tem taka dakhoiat

• 

  Toiari korunk taka urba diat. Ek pavtt Bible xikonk laglea uprant, vidʼdhearteak Bible obheasachi toiari korop kitlem gorjechem tem somzaiat ani tache faide-i sangat. Tannem vell kaddun koxi toiari korchi tea vixim taka thoddi mahiti diat. Thoddim zannam obheas ghetana, apli toiar kelʼli pustika vidʼdhearteachea hatant ditat. Oxem kelʼlean toiari korche faide vidʼdhearteak somzotat. Vidʼdhearti toiari korta tednam taka xabaski diat

• Toiari koxi korchi tem taka dakhoiat. Toiari koxi korchi tem survatek vidʼdhearteak dakhoitat tednam, thodde Bible xikoupi tanchea sangata ek akʼkho obheasacho bhag toiar kortat