Obheas 11
Hurbebhorit Ritin Ulovop
Romkarank 12:11
KITEM KORCHEM: Aiknnareank hurba ani prernna diunk hurbebhorit ritin uloi.
HEM KOXEM KORCHEM:
Tuzo vixoi tujea kallzak lagom di. Toiari kortana, tum dita to sondex kitlo mhotvacho tem niall kor. Tuzo vixoi bore bhaxen zannam za ani somzon ghe. Oxem kelʼlean, tunvem kallzan thaun ulounk zatolem.
Tujea aiknnaream vixim chint. Tum zo vixoi vachpacho vo xikovpacho asa to dusreank koso faideak poddttolo hacher niall kor. Hi mahiti oxea ritin diunk vatto sodh, ki, aiknnaram hi mahiti apleak khub mhotvachi mhunn spoxtt ritin somzonk pavtolim.
Tujea utrank jiv hadd. Hurben uloi. Goroz tednam sobhavik ritin khunnam kor ani hav-bhav tujea tonddar dakhoun di.