Obheas 2

Ulounchea Ritin Sangop

2 Korintkarank 2:17

KITEM KORCHEM: Tuka eka vixoi-a bodʼdol ani tujea aiknnaream bodʼdol koxem bhogta tem sobavik ritin sang..

Chint diun ani magnnem korun toiari kor. Tujem dhean svotacher nhoi punn tujea sondexacher dovorunk magnnem korun adar mag. Mukhel mudʼde sarke motint dovor. Tuje vichar tujea utramnim sang. Boroiloli asat toxinch utram uzar korun sangom naka.

Bible-a thaun vo her prokaxonam thaun tum jem vachun dakhounk sodhta, tem bore bhaxen zannam za. Oxem kelʼlean, tum suddsuddai-en vachunk xoktolo. Tum dusreachim utram vachta zalear, tim bhavnam ghalun vach, punn choddui nattki rupan vachum naka.
Kallza thaun uloi. Tuzo sondex aiknnareamnim aikon ghevop kiteak gorjecho tem chint. Tujem dhean aiknnareancher dovor. Tednam tuka tanchi porva asa ani tum sangta tem khorem mhunn tujea tonddar ani hav-bhavant tankam dison ietolem.

Sobhavik ritin ulovop mhunnttlear chaltea ritin ulovop nhoi. Spoxtt utram ani sarkem vyakronn uzar kelear, tuzo sondex tum respedan diunk xoktolo.
Tujea aiknnareank polloun uloi. Aiknnareank vaitt disonam zalear, tanchea tonddak polloun uloilear chodd borem. Bhaxonn dita tednam, akʼkhea zomeak pollounche bodlek, eka vellar eka munxak polloun uloi.