Obheas 10

Uloitana Avaz, Svor ani Goti Bodlop

Mhonnʼnneo 8:4, 7

KITEM KORCHEM: Uloitana tujea avazant, svorant ani gotint bodol korun, tuje vichar spoxttponnim sang ani kallzak lagta toxem kor.

Avazant bodol kor. Aiknnareank prernna diunk ani mhotvache mudʼde dakhounk mottea avazan uloi. Bible-antlim zhoddttechim formonnam vachtana-i toxem korop gorjechem. Bhirant ani usko dakhounk, ani toxench fuddem kitem sangchem asa tea vixim umed vaddounk barik avazan uloi.

Porot-porot mottea avazan uloinaka. Karonn, oxem kelear, aiknnareank tujem ulovop tapounnim koxi distoli. Chodd-ui nattki rupan uloun aiknnareanchem dhean tujer haddinaka.
Svorant bodol kor. Hurba dakhounk, map vo lambʼbai-rundʼdai dakhounk unchlea svoran uloi. Dukh vo usko dakhounk sokoilea svoran uloi.
Gotint bodol kor. Khuxechi khobor sangtana vegim-vegim uloi. Mhotvache mudʼde sangtana goddboddin uloinaka, susegad uloi.

Okosmat tuji ulovpachi goti vaddoinaka. Oxem kelear, aiknnarim ojaptolim vo bhietolim. Uloupachi goti chodd aslear, utrancho uchʼchar sarko zauncho na.