ODHEAI 13
Dhormank Lagon Devachem Nanv Koxem Piddʼddear Zalam?
Dev amkam lokancho mog korunk xikoita zalear dhormanim itlim vaitt kamam kiteak zatat? Khorem mhunnttlear, he dhorm Devachi khori vollokh dinant ani Devak zai toxem korinant. Oxem ami kiteak mhunnttat? Hem soglem polloun Devak koxem bhogta ani oslea dhormanchem to kitem kortolo?
1. Dhormanchea khottea xikounneank lagon lokancher koslo porinnam zata?
Khottea dhormanim “Devachea sotachea bodlek fottincher visvas” dovorlo ani tench xikoitat. (Romkarank 1:25) Udharonnak, zaite dhorm lokank Devachem nanv Jehova mhunn kolloinant. Punn ami tem nanv uzar korop gorjechem mhunn Bible sangta. (Romkarank 10:13, 14) Thodde dhormik fuddari kitem-i vaitt ghoddtta tednam ti Devachi khuxi mhunn sangtat. Punn hi ek fott zaun asa ani oslea fottink lagon zaito lok Deva thaun pois gela. Khorem mhunnttlear, Dev kednanch vaitt korina.—Jakob 1:13 vachat.
2. Dhormanchea nanvan kelʼlea vaitt kamank lagon kitem zata?
Jehova lokancho mog korta, punn khottea dhormanim mog dison iena. Bible sangta, khottea dhormachea “patkanchi ras mollba meren pavlea.” (Prokasovnni 18:5) Zaitea xekddeam thaun khottea dhormache fuddari rajkaronnant meter zait asat. Tannim zhuzam korunk tenko dila zaka lagon lokancho jiv pasun gela. Thoddea dhormik fuddareamnim lokam koddlean danam ektthaim korun hispa bhair girestkai ektthaim kelea. Tor, hachea voilean dhormik fuddareank Devachi sarki vollokh na mhunn kollon ieta. Hea pasot tankam Deva vixim xikouncho hokʼk na.—1 Juanv 4:8 vachat.
3. Khottea dhorma vixim Devak koxem dista?
Khottea dhormant choltat tim vaitt kamam polloun tumkam rag ieta zalear Jehovak pasun rag ieuncho na kai? Jehova Dev lokancho mog korta, punn thoddea dhormik fuddareank lokanchi porva na ani tanchea thaim te vaitt ritin vagtat. Oslea dhormik fuddareancho Jehovak rag ieta. To soglea khottea dhormancho beginuch nas kortolo ani te ‘porot kednanch dixtti poddche nant’ mhunn Bible sangta.—Prokasovnni 18:8, 21.
KHOLAIEN XIKAT
Khottea dhormanchim kamam polloun Jehovak koxem dista tea vixim anik zannam zaiat. Toxench, tanchea vaitt kamank lagon tumi Jehova Devachi vollokh gheunchi bond korop kiteak sarkem nhoi tem-ui zannam zaiat.
4. Devak sogle dhorm manvotat kai?
Dhorm mhunnttlear Deva sorxim pavonk ek rosto oxem zaito lok mhunntta. Tor, tim khoinchea-i dhormantlim asum Dev tanchi bhokti manun ghetolo oxem tankam dista. Punn hem khorem kai? Matev 7:13, 14 vachun sokol dilʼlea prosnacho zobab zannam zaum-ia:
Jivitak pavoita tea rostea vixim Bible kitem mhunntta?
VIDEO polloun sokol dilʼlea prosnacho zobab zannam zaum-ia.
Devak sogle dhorm manvotat oxem Bible xikoita kai?
5. Khottea dhormanim Devacho mog dison iena
Khottea dhormank lagon aiz zaitea ritimnim Devacho opman zala. Karonn ek mhunnttlear, tannim zhuzak tenko dila. Tea vixim zannam zaunk ho VIDEO polloum-ia. Uprant, sokol dilʼlea prosnanche zobab zannam zaum-ia.
Dusrea Vixv Zhuzachea vellar dhorman kitem kelem?
Hem zannam zalʼlean tumkam koxem dista?
Juanv 13:34, 35 ani 17:16 vachun sokol dilʼlea prosnanche zobab zannam zaum-ia:
Khotte dhorm zhuzant bhag ghetat tednam Jehovak koxem bhogta?
Khottea dhormanim tumi khoinchim kamam polloileant jea udexim tanchea modem khoro mog na mhunn dison ieta?
Dev mogall, punn khottea dhormanim mog dison iena
6. Dev lokank khottea dhorma thaun bhair soronk modot korunk sodhta
Prokasovnni 18:4 vachuna sokol dilʼlea prosnacho zobab zannam zaum-ia:
Khottea dhormant fosleant tankam Dev salvar korunk sodhta mhunn zannam zaun tumkam koxem dista?
7. Khorea Deva vixim xikot ravat
Khottea dhormanchim vaitt kamam polloun Devak guneanvkari korop sarkem zatolem kai? Chintun polloiat, ek put aplea bapaichem aikona ani ghor soddun voita. To khub vaitt kamam korunk lagta. Aplea bhurgeachim vaitt kamam tea bapaik avoddnant. Tor, putachea vaitt kamank lagon bapaik guneanvkari korop sarkem zatolem kai?
Khottea dhormanchea vaitt kamank lagon Jehova zobabdar mhunn chintun tache vixim xikop bond korop sarkem oxem tumkam dista?
THODDO LOK MHUNNTTA: “Soglea dhormanim kitem-na-kitem borem asa.”
Tumkam-i toxench dista?
Zaite dhorm apunn borem xikoitat mhunn sangtat zalear pasun Devak te dhorm kiteak manvonant?
KITEM XIKLIM
Khottea dhormanim aple xikounne udexim ani vaitt kamam udexim Devacho opman kela. Dev beginuch tancho nas kortolo.
Porot Ugddas Korum-ia
Khottea dhormanchi xikounn ani tanchim kamam polloun tumkam koxem dista?
Khottea dhorma vixim Jehovak koxem dista?
Dev khottea dhormanchem kitem kortolo?
ANIK SODHAT
Choddxea dhorma vixim Devak koxem dista tem zannam zaiat.
“Sogle Dhorm Ekuch Kai? Ani Te Sogle Devak Manvotat Kai?” (Web article)
Ami sogleamnim sangata mellon Jehovachi bhokti kiteak korunk zai?
“Eka Songottit Dhormacho Bhag Zavop Gorjechem Kai?” (Web article)
Aplea dhormant vaitt ghoddtta tem polloun eka padrik dukh zatalem. Punn taka lagon to Deva vixim sot xikonk fatti soronk na.
“Eka Padrin Apli Igorj Kiteak Soddli?” (Awake!, February 2015)
Dev ragixtt ani taka amchi kallji na mhunn zaitea vorsam thaun dhormanim fott xikoilea. Oslea tin fottim vixim zannam zaiat.
“Dev Mogall Nhoi Mhunn Sangloleo Fotti” (The Watchtower, November 1, 2013)
a Prokasovnni pustokant je bailek Bolixtt Babilon mhunnttlea ti khottea dhormank suchit korta mhunn ami kiteak mhunnonk zata tem zannam zaunk Chodd Mahiti 1 polloum-ia.