ULOVOP SURU KOROP
ODHEAI 4
Khaltikai Dakhoiat
Totv: “Khaltikaien dusrim tumchea poros vortim mhunn somzat.”—Filp. 2:3.
Paulun Kitem Kelem?
1. VIDEO polloiat, vo Itihas 26:2, 3 vachat. Uprant hea prosnancher niall korat:
Raza Agripa lagim uloitana Paulun khaltikai koxi dakhoili?
Paulun svotacher dhean voddchea bodlek Jehova ani tachea Utracher dhean diunk tachea aiknnareank koxi modot keli?—Itihas 26:22 polloiat.
Paulu Thaun Ami Kitem Xiktat?
2. Ami khaltikaien ani respedan uloitat tednam lok chodd korun amchem aikonk toiar astole.
Pauluchi Dekh Gheiat
3. Respedan uloiat. Tumich soglem zannant ani aiknnareak kainch khobor na oxe ritin uloinakat.
4. Tumi Bible-a thaun uloitat mhunn tankam dakhoun diat. Devachem Utor lokanchea chintnancher ani bhavnancher boro probhav ghalta. Tor, ami Bible uzar kortat tednam tim amcher visvas dovorchea bodlek Devachea Utracher visvas dovrunk pavtolim.
5. Movall ritin uloiat. Tumi sangtat tench sarkem asa mhunn dakhoinakat ani vad-vivad korinakat. Tache bodlek, xant ravon thoinchean kednam bhair sorchem tem zannam zaiat. (Mho. 17:14; Titak 3:2) Movall ritin uloilolean aiknnaro fuddlea pavtti ulounk ghoddie toiar astolo.