Dusreank Somzota Toxem Korop

1 Korintkarank 14:9

KITEM KORCHEM: Tum dita tea sondexacho orth somzonk tujea aiknnareank modot kor.

HEM KOXEM KORCHEM:

• Vixoi bore bhaxen obheas kor. Tuzo vixoi bore bhaxen somzon ghe, jea vorvim tum to vixoi aplea utramnim sompeponnim somzaunk xoktolo.

• Lhan vakʼkeam ani volleo uzar kor. Lamb vakʼkeam uzar korche bodlek, mukhel mudʼde sangtana lhan vakʼkeam ani volleo uzar kelear borem.

• Novea xobdancho orth kolloi. Aiknnarim vapornant tim utram vo xobd chodd uzar korinaka. Aiknnareank khobor na tea xobdancho, Bible-antlea munxancho, vo adlea mapancho vo chali-ritincho ulʼlekh korta tednam, tanchea vixim somzonni di.