‘Deva Thaun Mellʼllolem Dennem’ Uzar Korat

Amchea bhav-bhoinnam sangata vell sarunk amkam khub borem dista. Punn ami tankam mellʼllearuch puro nhoi. Bible sangta ki ami eka-mekak urba diunk zai ani eka-mekacho bhavarth ghott korunk zai. Karonn hem “Deva thaun dennem” zaun asa. (Rom. 1: 11, 12) Tor hem ami koxem korunk zata?

Tumchea utram vorvim dusreank urba diat. Udharonnak, mittingek zobab ditana ami amcheach vixim chodduch ulounchem nhoi. Tachea bodlek ami Jehova, tachem Utor Bible, ani Jehovachea visvaxi sevokam thaun kitem xiktat tea vixim zobab diunk zatat. Tea bhair bhav-bhoinnam lagim uloitana, tancho bhavarth ghott zatolo tosle vixoi ami ulounk zatat.

Tumchea korneam ani nirnnoi-am vorvim dusreank urba diat. Udharonnak, thoddea bhav-bhoinnank oddchonneo aslear pasun tannim purnn vellachi seva korit ravcho nirnnoi ghetla. Ani thoddea bhav bhoinnanchi bholaiki bori na vo tim dis-bhor kam korun thoklear pasun, sumanantle modle mittingek hajir zatat. Tor tankam polloun dusreank urba melltta.

Tumchea utram vo korneam vorvim tumi bhav-bhoinnank urba ditat kai vo tumkam urba diunk tim kitem mhunnttat ani kortat tacho tumi valor kortat kai?