૩૧ “હું તમારી સરહદ લાલ સમુદ્રથી લઈને ભૂમધ્ય સમુદ્ર* સુધી તેમજ વેરાન પ્રદેશથી લઈને યુફ્રેટિસ* નદી સુધી ઠરાવી આપીશ.+ હું ત્યાંના રહેવાસીઓને તમારા હાથમાં સોંપી દઈશ અને તમે તમારી આગળથી તેઓને ભગાડી મૂકશો.+ ૩૨ તમે તેઓ સાથે કે તેઓના દેવો સાથે કોઈ કરાર ન કરો.+ ૩૩ તેઓને તમારા દેશમાં વસવા ન દો, નહિતર તેઓને લીધે તમે મારી વિરુદ્ધ પાપ કરી બેસશો. જો તમે તેઓના દેવોની ભક્તિ કરશો, તો એ તમારા માટે ફાંદો બની જશે.”+

૩ તેઓ સાથે કોઈ લગ્‍નવ્યવહાર રાખશો નહિ. તમારી દીકરીઓને તેઓના દીકરાઓ સાથે કે તમારા દીકરાઓને તેઓની દીકરીઓ સાથે પરણાવશો નહિ.+ ૪ એમ કરશો તો, તેઓ તમારા દીકરાઓને તમારા ઈશ્વરથી દૂર કરીને બીજા દેવોને ભજવા ખેંચી જશે.+ પછી યહોવાનો ગુસ્સો તમારા પર ભડકી ઊઠશે અને તે જલદી જ તમારો સંહાર કરી દેશે.+

૧૨ “જો તમે ઈશ્વરથી ફરી જશો, બાકી રહી ગયેલી પ્રજાઓ+ સાથે ભળી જશો, તેઓ સાથે લગ્‍નસંબંધ બાંધશો+ અને હળશો-મળશો, ૧૩ તો નક્કી જાણજો કે યહોવા તમારા ઈશ્વર, એ પ્રજાઓને તમારી આગળથી હાંકી કાઢશે નહિ.+ યહોવા તમારા ઈશ્વરે આપેલા આ દેશમાંથી તમારો નાશ ન થાય ત્યાં સુધી, તેઓ તમારા માટે ફાંદો અને જાળ બની જશે.+ તેઓ તમને પીઠ પર ચાબુક જેવા અને આંખમાં કણા જેવા થઈ પડશે.

૨ તમારે આ દેશમાં રહેતા લોકો સાથે કોઈ કરાર કરવો નહિ.+ તમારે તેઓની વેદીઓ* તોડી નાખવી.’+ પણ તમે મારું કહેવું માન્યું નથી.+ તમે કેમ એવું કર્યું? ૩ એટલે મેં કહ્યું: ‘હું આ દેશમાં રહેનારાઓને તમારી આગળથી હાંકી કાઢીશ નહિ.+ તેઓ તમને પોતાની જાળમાં ફસાવશે+ અને તેઓના દેવો તમને લલચાવીને ફાંદામાં નાખશે.’”+