નીતિવચનો

 ૨ હું બીજાઓ કરતાં વધારે અજ્ઞાની છું,+

લોકોમાં જે સમજણ હોવી જોઈએ એ મારામાં નથી.

 ૩ હું બુદ્ધિની વાતો શીખ્યો નથી,

પરમ પવિત્ર ઈશ્વર પાસે છે એટલું જ્ઞાન મારી પાસે નથી.

કોણે પૃથ્વીની સીમાઓ ઠરાવી છે?*+

તેનું નામ શું છે? તેના દીકરાનું નામ શું છે?

 ૬ તેમની વાતોમાં એકેય શબ્દ ઉમેરીશ નહિ,+

નહિતર તે તને ઠપકો આપશે

અને તું જૂઠો સાબિત થઈશ.

 ૭ હે ઈશ્વર, હું તમારી પાસે બે વરદાન માંગું છું,

મારા જીવતેજીવ મારી અરજ પૂરી કરો.

મને ફક્ત મારા હિસ્સાનું ભોજન આપો,+

 ૯ જેથી એવું ન થાય કે હું ધરાઈ જાઉં અને તમારો નકાર કરું અને કહું, “યહોવા કોણ છે?”+

૧૦ * તું માલિક આગળ તેના ચાકરની ચાડી ન કર,

નહિતર ચાકર તને શ્રાપ આપશે અને તું અપરાધી ઠરીશ.+

૧૧ એક એવી પેઢી છે જે પિતાને શ્રાપ આપે છે

અને માતાને આશીર્વાદ આપતી નથી.+

૧૨ એક એવી પેઢી છે જે પોતાને બહુ શુદ્ધ ગણે છે,+

પણ તેની ગંદકી* સાફ કરવામાં આવી નથી.

૧૩ એક એવી પેઢી છે જેની આંખો ઘમંડી છે

અને જે બીજાને તિરસ્કારની નજરે જુએ છે.+

૧૪ એક એવી પેઢી છે જેના દાંત તલવાર જેવા છે

અને જડબાં ધારદાર છરી જેવાં છે.

તે પૃથ્વીના દીન-દુખિયાને ફાડી ખાય છે

અને ગરીબોને ભરખી જાય છે.+

ત્રણ બાબતો એવી છે જે કદી ધરાતી નથી,

હા, ચાર એવી છે જે કદી કહેતી નથી, “બસ થયું!”

૧૬ કબર,*+ વાંઝણી સ્ત્રીની કૂખ,

પાણી વગરની સૂકી જમીન,

અને આગ જે કદી કહેતી નથી, “બસ થયું!”

૧૭ જે માણસ પિતાની મજાક ઉડાવે છે અને માતાની આજ્ઞાને ગણકારતો નથી,+

તેની આંખોને ખીણના કાગડા કોચી ખાશે

અને ગરુડનાં બચ્ચાં એ ખાઈ જશે.+

૧૮ ત્રણ બાબતો એવી છે જે મારી સમજશક્તિની બહાર છે,*

હા, ચાર એવી છે જે હું સમજતો નથી:

૧૯ આકાશમાં ઊડતા ગરુડનો માર્ગ,

પથ્થર પર સરકતા સાપની ચાલ,

દરિયો ખેડતા વહાણનો રસ્તો

અને યુવતી સાથે યુવાનનો વ્યવહાર.

તે ખાય છે અને મોં લૂછી નાખે છે,

પછી કહે છે, “મેં કંઈ ખોટું કર્યું નથી.”+

૨૧ ત્રણ બાબતો એવી છે જેના લીધે પૃથ્વી ધ્રૂજે છે,

હા, ચાર એવી છે જેને એ સહન કરી શકતી નથી:

૨૨ ગુલામનું રાજા બનવું,+

મૂર્ખનું પેટ ભરીને ખાવું,

૨૩ લોકો નફરત કરતા હોય* એવી સ્ત્રીનું પરણવું

અને દાસીએ શેઠાણીનું સ્થાન લેવું.+

૨૪ પૃથ્વી પર ચાર જીવો ખૂબ નાના છે,

પણ અતિશય બુદ્ધિશાળી છે:*+

૨૫ કીડીઓ શક્તિશાળી* નથી,

છતાં ઉનાળામાં ખોરાક તૈયાર કરે છે.+

૨૬ ખડકોમાં રહેતાં સસલાં*+ બળવાન* નથી,

છતાં પથ્થરોની બખોલમાં પોતાનું ઘર બનાવે છે.+

૨૭ તીડોનો+ કોઈ રાજા નથી,

છતાં તેઓ સેનાની જેમ આગળ વધે છે.+

૨૯ ત્રણ જીવો એવા છે જેઓ વટથી ચાલે છે,

હા, ચાર એવા છે જેઓ શાનથી ચાલે છે:

૩૦ સિંહ, જે પ્રાણીઓમાં સૌથી શક્તિશાળી છે,

ભલે કોઈ પણ સામે આવે, તે પાછો હટતો નથી;+

૩૧ શિકારી કૂતરો; બકરો;

અને સેના આગળ ચાલતો રાજા.

૩૨ જો તેં પોતાને ઊંચો કરવાની મૂર્ખતા કરી હોય+

અથવા એમ કરવાનું કાવતરું ઘડ્યું હોય,

તો તારા મોં પર હાથ મૂકીને ચૂપ થઈ જા.+

૩૩ કેમ કે જેમ દૂધ વલોવવાથી માખણ નીકળે છે,

જેમ નાક મચકોડવાથી લોહી નીકળે છે,

તેમ ગુસ્સો ભડકાવવાથી ઝઘડો ઊભો થાય છે.+