યર્મિયા
૧ આ યર્મિયાના* શબ્દો છે. તે બિન્યામીન પ્રદેશના અનાથોથ+ શહેરના એક યાજક* હિલ્કિયાનો દીકરો હતો. ૨ આમોનના+ દીકરા, યહૂદાના રાજા યોશિયાના+ શાસનના ૧૩મા વર્ષે યર્મિયાને યહોવાનો* સંદેશો મળ્યો. ૩ તેને યોશિયાના દીકરા, યહૂદાના રાજા યહોયાકીમના દિવસોમાં+ પણ સંદેશો મળ્યો. યોશિયાના દીકરા, યહૂદાના રાજા સિદકિયાના+ શાસનના ૧૧મા વર્ષના અંત સુધી, પાંચમા મહિનામાં યરૂશાલેમના લોકો ગુલામીમાં* ગયા+ ત્યાં સુધી તેને સંદેશો મળતો રહ્યો.
૪ યહોવાએ મને આ સંદેશો આપ્યો:
બધી પ્રજાઓ માટે મેં તને પ્રબોધક* ઠરાવ્યો હતો.”
૬ પણ મેં કહ્યું: “હે વિશ્વના માલિક* યહોવા!
મને તો બોલતા પણ નથી આવડતું,+ હું તો નાનો છોકરો* છું.”+
૭ યહોવાએ મને કહ્યું:
“એવું ના કહીશ કે ‘હું નાનો છોકરો છું,’
કેમ કે હું તને જેઓ પાસે મોકલું છું, એ બધા પાસે તારે જવાનું છે,
હું તને જે કંઈ કહું છું, એ બધું તારે તેઓને કહેવાનું છે.+
૯ પછી યહોવાએ પોતાનો હાથ લંબાવ્યો અને મારા મોંને અડક્યા.+ યહોવાએ મને કહ્યું: “મેં મારા શબ્દો તારા મોંમાં મૂક્યા છે.+ ૧૦ જો, મેં તને પ્રજાઓ અને રાજ્યો પર અધિકાર આપ્યો છે, જેથી તું તેઓને ઉખેડી નાખે અને પાડી નાખે, નાશ કરે અને તોડી પાડે, બાંધે અને રોપે.”+
૧૧ યહોવાનો સંદેશો ફરી એક વાર મારી પાસે આવ્યો. તેમણે મને પૂછ્યું: “યર્મિયા, તને શું દેખાય છે?” મેં કહ્યું: “મને બદામડીની એક ડાળી* દેખાય છે.”
૧૨ યહોવાએ મને કહ્યું: “તેં બરાબર જોયું, કેમ કે મારું વચન પૂરું કરવા હું પૂરેપૂરો સજાગ છું.”
૧૩ યહોવાનો સંદેશો બીજી વાર મારી પાસે આવ્યો. તેમણે મને પૂછ્યું: “તને શું દેખાય છે?” મેં કહ્યું: “મને ઊકળતું* હાંડલું દેખાય છે. એનું મોં ઉત્તરથી દક્ષિણ તરફ ઢળેલું છે.” ૧૪ યહોવાએ મને કહ્યું:
“દેશના બધા રહેવાસીઓ પર
ઉત્તરથી આફત તૂટી પડશે.+
૧૫ કેમ કે યહોવા કહે છે, ‘હું ઉત્તરનાં રાજ્યોનાં બધાં કુળોને બોલાવું છું.+
તેઓ આવશે અને તેઓના રાજાઓ
યરૂશાલેમના દરવાજા આગળ,+
તેની દીવાલો સામે અને યહૂદાનાં બધાં શહેરો સામે પોતાની રાજગાદી સ્થાપશે.+
૧૬ હું મારા લોકો વિરુદ્ધ મારો ન્યાયચુકાદો જાહેર કરીશ,
કેમ કે તેઓએ દુષ્ટ કામો કર્યાં છે,
તેઓએ મને ત્યજી દીધો છે,+
તેઓ બીજા દેવોને બલિદાનો ચઢાવે છે*+
અને પોતાના હાથે ઘડેલી વસ્તુઓ આગળ નમે છે.’+
૧૭ ઊભો થા, તારી કમર કસ,
હું તને જે કંઈ કહું, એ બધું જઈને તેઓને જણાવ.
તેઓથી ડરીશ નહિ,+
નહિતર તેઓ આગળ હું તને ડરાવી મૂકીશ.