અયૂબ

 ૩ જો મને ખબર હોત કે ઈશ્વર ક્યાં મળશે,+

તો હું તેમના નિવાસસ્થાને ગયો હોત.+

 ૪ મેં મારો દાવો તેમની આગળ રજૂ કર્યો હોત,

એક પછી એક દલીલોથી મારું મોં ભર્યું હોત;

 ૫ મેં ધ્યાનથી તેમનો જવાબ સાંભળ્યો હોત

અને તેમની વાતો પર લક્ષ આપ્યું હોત.

 ૭ કેમ કે ત્યાં નેક* માણસ તેમની સાથે પોતાનો મામલો નિપટાવી શકે છે,

તેથી હું મારા ન્યાયાધીશ આગળ હંમેશ માટે નિર્દોષ ઠર્યો હોત.

 ૮ પણ જો હું પૂર્વમાં જાઉં, તો તે ત્યાં નથી;

જો હું પશ્ચિમમાં જાઉં, તો તે ત્યાં પણ મળતા નથી.

 ૯ તે ઉત્તરમાં કામ કરે છે ત્યારે, હું તેમને જોઈ શકતો નથી;

પછી તે દક્ષિણમાં જાય છે ત્યારે, મારી નજરે પડતા નથી.

૧૧ હું તેમને પગલે પગલે જ ચાલ્યો છું;

મેં તેમનો માર્ગ પકડી રાખ્યો છે, હું આડો-અવળો ગયો નથી.+

૧૪ તેમણે મારા માટે જે ધાર્યું છે, એ પૂરું કરીને જ રહેશે,

અરે, એવી તો બીજી ઘણી વાતો તેમના મનમાં છે.

૧૫ એટલે જ તેમના લીધે હું ચિંતામાં ડૂબી ગયો છું;

હું તેમનો વિચાર કરું છું ત્યારે, તેમના પ્રત્યેનો મારો ભય અને આદર વધી જાય છે.

૧૬ ઈશ્વરે મારું દિલ કમજોર કરી દીધું છે,

સર્વશક્તિમાને મને ડરાવી દીધો છે.

૧૭ મારી ચારે બાજુ અંધકાર જ અંધકાર છે,

અને ઘોર અંધકારે મારા મોંને ઢાંકી દીધું છે, તોપણ હું ચૂપ રહેવાનો નથી.