ગીતશાસ્ત્ર

૭૨ હે ઈશ્વર, રાજાને તમારા નીતિ-નિયમો શીખવો,

રાજાના દીકરાને તમારા ખરા માર્ગે ચાલવાનું વરદાન આપો.+

 ૨ તે સચ્ચાઈથી* તમારા લોકો માટે લડે,

તમારા લાચાર લોકોનો અદ્દલ ઇન્સાફ કરે.+

 ૩ ઓ પર્વતો, લોકો માટે શાંતિ લઈ આવો,

ઓ ટેકરીઓ, સત્યનો પ્રકાશ ફેલાવો.

 ૪ રાજા ગરીબ લોકોનું રક્ષણ* કરે,

તે ગરીબના દીકરાઓનો બચાવ કરે

અને દગાખોરને કચડી નાખે.+

 ૫ જ્યાં સુધી સૂરજ-ચાંદ રહેશે,

ત્યાં સુધી પેઢી દર પેઢી+

તેઓ તમારો ડર રાખશે.

 ૬ રાજા તો કાપેલા ઘાસ પર પડતા વરસાદ જેવા થશે,

ધરતીને સિંચતાં વરસાદનાં ઝાપટાં જેવા થશે.+

 ૭ તેમના દિવસોમાં નેક માણસ ખીલી ઊઠશે,*+

ચંદ્ર રહેશે ત્યાં સુધી શાંતિ વધતી ને વધતી જશે.+

 ૮ રાજા સમુદ્રથી સમુદ્ર સુધી,

અને નદીથી* લઈને પૃથ્વીના છેડા સુધી રાજ કરશે.*+

 ૯ રણમાં રહેનારાઓ તેમની આગળ નમન કરશે,

તેમના વેરીઓ ધૂળ ચાટતા થઈ જશે.+

૧૧ બધા રાજાઓ તેમની આગળ નમન કરશે

અને બધી પ્રજાઓ તેમની સેવા કરશે.

૧૨ મદદનો પોકાર કરનાર ગરીબને તે છોડાવશે,

લાચાર અને નિરાધારને તે બચાવશે.

૧૩ દીન-દુખિયાઓને તે કરુણા બતાવશે,

ગરીબનો તે જીવ બચાવશે.

૧૪ તે તેઓને જુલમ અને હિંસામાંથી છોડાવશે,

તેઓનું લોહી તેમની નજરમાં અનમોલ ગણાશે.

તેમના માટે સતત પ્રાર્થના કરવામાં આવે,

આખો દિવસ તેમના પર આશીર્વાદો વરસે.

૧૬ પુષ્કળ પાકથી ધરતી લહેરાઈ ઊઠશે,+

મબલક પાકથી પર્વતોનાં શિખરો ઊભરાઈ જશે.

૧૭ રાજાનું નામ અમર થાય,+

સૂર્ય રહે ત્યાં સુધી એ નામનો મહિમા વધે.

તેમનાથી લોકોને આશીર્વાદ મળે,+

બધી પ્રજાઓ તેમને સુખી જાહેર કરે.

૧૮ ઇઝરાયેલના ઈશ્વર, યહોવા ઈશ્વરની સ્તુતિ થાઓ,+

તે એકલા જ અજાયબ કામો કરે છે.+

૧૯ તેમના ગૌરવશાળી નામનો હંમેશ માટે જયજયકાર થાઓ,+

આખી પૃથ્વી તેમના ગૌરવથી ભરપૂર થાઓ.+