યર્મિયા
૧૭ “યહૂદાનાં પાપ લોઢાની કલમથી લખેલાં છે.
એ તેઓના દિલ પર અને તેઓની વેદીઓનાં શિંગડાં* પર
હીરાકણીથી કોતરેલાં છે.
૨ પણ તેઓના દીકરાઓ એ વેદીઓ અને ભક્તિ-થાંભલા* યાદ કરે છે,+
જે ઘટાદાર ઝાડ પાસે, ઊંચી ઊંચી ટેકરીઓ પર+
૩ અને શહેરથી દૂર આવેલા પહાડો પર છે.
તેં તારા વિસ્તારોમાં ઘણાં પાપ કર્યાં છે,
એટલે હું તારી સંપત્તિ અને તારો ખજાનો દુશ્મનોને સોંપી દઈશ,+
હું તારાં ભક્તિ-સ્થળો પણ તેઓને આપી દઈશ.+
૪ મેં આપેલો વારસો તું પોતે જ પડતો મૂકીશ.+
હું તને અજાણ્યા દેશમાં મોકલીશ, જ્યાં તારે દુશ્મનોની ગુલામી કરવી પડશે.+
તમારા લીધે મારો ગુસ્સો સળગી ઊઠ્યો છે.*+
મારા ગુસ્સાની આગ હંમેશ માટે સળગતી રહેશે.”
૫ યહોવા કહે છે:
“જે માણસ* બીજા માણસો પર ભરોસો રાખે છે,+
જે માણસોની તાકાત પર આધાર રાખે છે+
અને જેનું દિલ યહોવાથી દૂર જતું રહ્યું છે,
તે માણસ પર શ્રાપ ઊતરી આવે.
૬ તે રણપ્રદેશમાં એકલા-અટૂલા ઝાડ જેવો થશે.
તે સારી વસ્તુઓનો અનુભવ નહિ કરે.
તે વેરાન પ્રદેશોમાં અને ખારવાળા વિસ્તારોમાં રહેશે,
જ્યાં કોઈ રહી શકતું નથી.
૮ તે નદી પાસે રોપાયેલા ઝાડ જેવો થશે,
જેનાં મૂળ વહેતા પાણી સુધી ફેલાય છે.
તેના પર સખત તાપની કંઈ અસર નહિ થાય,
તેનાં પાંદડાં હંમેશાં લીલાંછમ રહેશે.+
દુકાળના વર્ષમાં પણ તેને કંઈ ચિંતા નહિ થાય,
તે કાયમ ફળ આપતો રહેશે.
૧૦ હું યહોવા, દિલને તપાસું છું,+
મનના ઊંડા વિચારોની* પરખ કરું છું,
જેથી દરેકને તેના માર્ગો પ્રમાણે
અને તેનાં કાર્યો પ્રમાણે ફળ આપી શકું.+
૧૧ એક માણસ બેઈમાનીથી દોલત ભેગી કરે છે.+
તે તેતર જેવો છે, જે બીજાનાં ઈંડાં ભેગાં કરીને સેવે છે.
વહેલા-મોડા તેની દોલત તેના હાથમાંથી સરી જશે,
છેવટે તે મૂર્ખ સાબિત થશે.”
૧૨ આપણું મંદિર ભવ્ય રાજગાદી છે,+
જેને શરૂઆતથી જ મહિમા આપવામાં આવ્યો છે.
૧૩ હે યહોવા, તમે ઇઝરાયેલની આશા છો,
તમને છોડી દેનાર બધા લોકો શરમમાં મુકાશે.
તમને* ત્યજી દેનાર* લોકોનાં નામ ધૂળમાં લખાશે,+
કેમ કે તેઓએ યહોવાને છોડી દીધા છે, જે જીવનના પાણીનો ઝરો છે.+
૧૪ હે યહોવા, મને સાજો કરો તો હું સાજો થઈશ.
મને બચાવો તો હું બચી જઈશ,+
કેમ કે હું ફક્ત તમારી સ્તુતિ કરું છું.
૧૫ જુઓ, લોકો પૂછે છે:
“યહોવાનું વચન કેમ હજીયે પૂરું થયું નથી?”+
૧૬ હું ઘેટાંપાળકની જેમ તમારી પાછળ ચાલતો રહ્યો, હું દૂર નાસી ગયો નહિ.
મેં આફતના દિવસની રાહ જોઈ નહિ.
મારા હોઠે નીકળતો એકેએક શબ્દ તમે જાણો છો.
એ બધું તમારી આંખો સામે છે!
૧૭ મને છોડી ન દો, નહિતર હું ખૂબ ડરી જઈશ.
આફતના દિવસે તમે મારો આશરો છો.
૧૮ મારો વિરોધ કરનારાઓને શરમમાં મૂકો,+
પણ મને શરમમાં મૂકતા નહિ.
તેઓને ડરાવી મૂકો,
પણ મને ડરાવતા નહિ.
૧૯ યહોવાએ મને કહ્યું: “જા, લોકોના દીકરાઓના દરવાજે ઊભો રહે, જ્યાંથી યહૂદાના રાજાઓ આવજા કરે છે. તું જઈને યરૂશાલેમના દરેક દરવાજે ઊભો રહે.+ ૨૦ તું તેઓને કહે, ‘આ દરવાજામાંથી અંદર આવનાર યહૂદાના રાજાઓ, યહૂદાના બધા લોકો અને યરૂશાલેમના સર્વ રહેવાસીઓ, તમે યહોવાનો સંદેશો સાંભળો. ૨૧ યહોવા કહે છે: “ધ્યાન રાખો, સાબ્બાથના* દિવસે તમે કોઈ માલ-સામાન ઊંચકશો નહિ કે યરૂશાલેમના દરવાજાથી એને અંદર લાવશો નહિ.+ ૨૨ સાબ્બાથના દિવસે તમારા ઘરમાંથી કોઈ માલ-સામાન બહાર લાવશો નહિ. એ દિવસે કંઈ કામ કરશો નહિ.+ તમે સાબ્બાથના દિવસને પવિત્ર ગણો, જેમ મેં તમારા બાપદાદાઓને આજ્ઞા આપી હતી.+ ૨૩ પણ તેઓએ મારું સાંભળ્યું નહિ, મારી વાત કાને ધરી નહિ. અડિયલ બનીને* તેઓએ મારી આજ્ઞા માની નહિ અને મારી શિસ્ત* સ્વીકારી નહિ.”’+
૨૪ “‘યહોવા કહે છે, “જો તમે મારી આજ્ઞાઓ પ્રમાણે કરો, જો તમે સાબ્બાથના દિવસે શહેરના દરવાજાથી માલ-સામાન અંદર નહિ લાવો, જો એ દિવસે કંઈ કામ નહિ કરો અને એને પવિત્ર ગણો,+ ૨૫ તો દાઉદની રાજગાદી પર બેસનાર રાજાઓ અને આગેવાનો+ આ શહેરના દરવાજાથી અંદર આવશે. તેઓ રથો અને ઘોડાઓ પર સવાર થઈને આવશે. યહૂદાના માણસો અને યરૂશાલેમના રહેવાસીઓ પણ અંદર આવશે+ અને આ શહેર લોકોથી હંમેશ માટે હર્યુંભર્યું રહેશે. ૨૬ લોકો યહૂદાનાં શહેરોથી, યરૂશાલેમની આસપાસના વિસ્તારોથી, બિન્યામીનના પ્રદેશથી,+ શેફેલાહથી,*+ પહાડી વિસ્તારોથી અને નેગેબથી* આવશે. તેઓ અગ્નિ-અર્પણો,+ બલિદાનો,+ અનાજ-અર્પણો,+ લોબાન* અને આભાર-અર્પણો* લઈને યહોવાના મંદિરે આવશે.+
૨૭ “‘“પણ જો તમે મારી આજ્ઞા નહિ માનો અને સાબ્બાથના દિવસને પવિત્ર નહિ ગણો, જો એ દિવસે માલ-સામાન ઊંચકશો કે યરૂશાલેમના દરવાજાથી એને અંદર લાવશો, તો હું દરવાજાઓને આગ લગાવી દઈશ. એ આગ યરૂશાલેમના કિલ્લાઓને ભસ્મ કરી દેશે.+ એ આગ કોઈ હોલવી શકશે નહિ.”’”+