નીતિવચનો

૫ મારા દીકરા, હું તને બુદ્ધિની જે વાતો કહું છું, એના પર ધ્યાન આપ,

સમજશક્તિ વિશે જે કંઈ શીખવું છું, એ કાને ધર.+

 ૨ એમ કરવાથી તું તારી પારખશક્તિ સાચવી શકીશ

અને તારા હોઠે હંમેશાં સત્યની વાતો નીકળશે.+

 ૩ પાપી* સ્ત્રીના શબ્દો* મધ જેવા મીઠા છે,+

તેની વાતો* તેલ જેવી લીસી છે.+

 ૪ પણ આખરે તો તે સ્ત્રી કડવા છોડ* જેવી કડવી છે+

અને બેધારી તલવાર જેવી ધારદાર છે.+

 ૫ તેના પગ મરણ તરફ જાય છે,

તેનાં પગલાં કબરમાં* જાય છે.

તે આમતેમ ભટક્યા કરે છે,

પણ જાણતી નથી કે ક્યાં જઈ રહી છે.

 ૭ મારા દીકરા,* મારું સાંભળ,

મારી વાતોથી મોં ન ફેરવ.

 ૮ તું એ સ્ત્રીથી દૂર રહેજે,

તેના ઘરના બારણે ફરકતો પણ નહિ,+

 ૯ નહિતર તું તારું માન-સન્માન ગુમાવીશ+

અને તારા દિવસો દુઃખ-તકલીફોમાં વીતશે;+

૧૦ પારકાઓ તારી ધનદોલતથી લીલાલહેર કરશે,+

મહેનત તું કરીશ, પણ ઘર બીજાનાં* ભરાશે.

૧૧ એવું થશે તો તારા જીવનના છેલ્લા દિવસોમાં,

જ્યારે તારું બળ ઘટી જશે અને તારું શરીર કમજોર થઈ જશે, ત્યારે તું નિસાસા નાખીશ.+

૧૪ હું વિનાશને આરે આવી ગયો છું

અને આખા સમાજની સામે* હું શરમમાં મુકાયો છું.”+

૧૫ તારા પોતાના ટાંકામાંથી પાણી પી

અને તારા પોતાના કૂવામાંથી તાજું* પાણી પી.+

૧૭ એ ફક્ત તારા માટે જ રહે,

બીજા લોકો માટે નહિ.+

૧૮ તારા ઝરા પર ઈશ્વરનો આશીર્વાદ રહે,

તારી યુવાનીની પત્ની સાથે તું ખુશ રહે.+

૨૦ બેટા, તું પાપી* સ્ત્રીની પ્રેમજાળમાં ફસાતો નહિ,

વ્યભિચારી* સ્ત્રીને ગળે લગાવતો નહિ.+

૨૧ માણસના બધા માર્ગો પર યહોવાની નજર છે,

તે તેના રસ્તાઓ ધ્યાનથી તપાસે છે.+

૨૨ દુષ્ટના અપરાધો તેના માટે ફાંદા જેવા છે,

તે પોતાનાં જ પાપના દોરડાથી બંધાઈ જશે.+

૨૩ શિસ્ત ન સ્વીકારવાને લીધે તે માર્યો જશે,

અતિશય મૂર્ખાઈને લીધે તે માર્ગથી ભટકી જશે.