ગીતશાસ્ત્ર
કોરાહના દીકરાઓનું ગીત.+
૮૭ ઈશ્વરના શહેરનો પાયો પવિત્ર પર્વતોમાં છે.+
૨ યહોવાને યાકૂબના બધા તંબુઓ કરતાં,
સિયોનના દરવાજા વધારે વહાલા છે.+
૩ હે સાચા ઈશ્વરના શહેર, તારા વિશે કેવી સારી સારી વાતો થાય છે!+ (સેલાહ)
૪ મને જાણનારાઓમાં* હું રાહાબ*+ અને બાબેલોનની ગણતરી કરીશ.
આ રહ્યા પલિસ્ત, તૂર અને કૂશ.*
એ દરેક વિશે એવું કહેવામાં આવશે કે, “એનો જન્મ ત્યાં થયો હતો.”
૫ સિયોન વિશે આવું કહેવામાં આવશે:
“એમાં દરેકેદરેકનો જન્મ થયો હતો.”
સર્વોચ્ચ ઈશ્વર એને સ્થિર રાખશે.
૬ લોકોની નોંધણી કરતી વખતે, યહોવા જાહેર કરશે:
“આનો જન્મ ત્યાં થયો હતો.” (સેલાહ)