યશાયા

૬૨ સિયોનને લીધે હું ચૂપચાપ બેસી રહીશ નહિ,+

યરૂશાલેમને લીધે હું છાનો બેસી રહીશ નહિ.

જ્યાં સુધી તેની સચ્ચાઈ ઝગમગતી રોશનીની જેમ પ્રકાશી ન ઊઠે+

અને તેનો ઉદ્ધાર સળગતી મશાલની જેમ ઝળહળી ન ઊઠે,+ ત્યાં સુધી હું શાંત રહીશ નહિ.

 ૨ “હે સ્ત્રી,*+ પ્રજાઓ તારી સચ્ચાઈ જોશે,

બધા રાજાઓ તારું ગૌરવ જોશે.+

ખુદ યહોવાના મોંમાંથી નીકળેલા

નવા નામથી તું ઓળખાશે.+

 ૩ તું યહોવાના હાથમાં સુંદર તાજ બનીશ,

હા, તારા ઈશ્વરના હાથમાં રાજમુગટ બનીશ.

 ૪ હવેથી કોઈ તને ત્યજી દેવાયેલી સ્ત્રી નહિ કહે,+

હવેથી તારી ભૂમિ વેરાન ભૂમિ નહિ કહેવાય.+

યહોવા તારા લીધે આનંદ કરશે

અને તારી ભૂમિ પરણેલી સ્ત્રી જેવી કહેવાશે.

 ૫ જેમ કોઈ વરરાજા કુંવારી કન્યા સાથે લગ્‍ન કરે,

તેમ તારા રહેવાસીઓ તારી સાથે લગ્‍ન કરશે.

જેમ કુંવારી કન્યાને પરણેલો વરરાજા ફૂલ્યો ન સમાય,

તેમ તારા ઈશ્વર તારા લીધે ફૂલ્યા નહિ સમાય.+

હે યહોવાનો જયજયકાર કરનારાઓ,

તમે છાના રહેશો નહિ.

 ૭ તે યરૂશાલેમને મજબૂત ન કરે ત્યાં સુધી,

હા, પૃથ્વી પર એની વાહ વાહ ન થાય ત્યાં સુધી તેમને પોકારતા રહો.”+

“હવેથી હું તારું અનાજ તારા દુશ્મનોને ખોરાક તરીકે નહિ આપું,

તેં જે નવા દ્રાક્ષદારૂ માટે સખત મહેનત કરી છે, એ પરદેશીઓને પીવા નહિ દઉં.+

“સિયોનની દીકરીને કહો,

‘જો, તારો ઉદ્ધાર કરવામાં આવે છે.+

જો, ઈશ્વર ઇનામ આપવા તૈયાર છે,

તે જે મજૂરી આપવાના છે, એ સાથે લઈને આવે છે.’”+