યશાયા

“જુઓ! દમસ્ક હવે શહેર નહિ રહે,

એ તો ખંડેરોનો ઢગલો બની જશે.+

એમાં ઘેટાં-બકરાંનાં ટોળાં આરામ કરશે

અને તેઓને કોઈ ડરાવશે નહિ.

 ૩ એફ્રાઈમમાંથી+ કોટવાળાં શહેરો

અને દમસ્કમાંથી+ રાજ્ય ગાયબ થઈ જશે.

ઇઝરાયેલીઓના ગૌરવની જે દશા થઈ,

એવી જ દશા સિરિયામાં બચી ગયેલા લોકોની થશે,” એવું સૈન્યોના ઈશ્વર યહોવા જાહેર કરે છે.

 ૪ “એ દિવસે યાકૂબની જાહોજલાલી જતી રહેશે,

તેનું તંદુરસ્ત શરીર સુકાઈ જશે.

 ૫ યાકૂબની દશા રફાઈમની ખીણમાં*+

કાપણી થઈ ગયેલા ખેતર જેવી થશે,

જેમાં વીણવા માટે ફક્ત થોડાં જ કણસલાં બાકી રહ્યાં હોય.

 ૬ જૈતૂનનું વૃક્ષ ઝૂડતી વખતે

વીણવા માટે ઘણાં ફળ બાકી નહિ રહે.

વૃક્ષની ટોચ પર ફક્ત બે ત્રણ પાકેલાં જૈતૂન

અને ફળ આપતી ડાળીઓ પર ફક્ત ચાર પાંચ જૈતૂન બાકી રહેશે,”+ એવું ઇઝરાયેલના ઈશ્વર યહોવા જાહેર કરે છે.

 ૯ એ દિવસે કોટવાળાં શહેરો પડતાં મુકાયેલાં જંગલ જેવાં થઈ જશે,+

એ શહેરો ઇઝરાયેલીઓને લીધે પડતી મુકાયેલી ડાળી જેવાં થઈ જશે.

૧૦ તારો ઉદ્ધાર કરનાર ઈશ્વરને તું ભૂલી ગયો છે,+

તેં તારા ખડક, તારા ગઢને યાદ રાખ્યા નથી.+

એટલે જ તો તું સુંદર વાડીઓ રોપે છે

અને એમાં પારકી ડાળીની* કલમ કરે છે.

૧૧ તું દિવસે વાડી ફરતે સાચવીને વાડ બનાવે છે

અને સવારે બીમાંથી ફણગો ફૂટે છે.

પ્રજાઓમાં ધમાલ મચી છે,

તેઓનો અવાજ શક્તિશાળી પાણીની ગર્જના જેવો છે!

ઈશ્વર તેઓને ધમકાવશે અને તેઓ દૂર ભાગી જશે,

જાણે પવન પર્વત પરનાં ફોતરાંને ઉડાડી જાય,

જાણે તોફાન કાંટાળો છોડ ઉડાડી જાય.

અમારા પર હુમલો કરનારાઓને આ હિસ્સો મળે છે,

અમને લૂંટનારાઓની આવી દશા થાય છે.