બીજો શમુએલ
૨૨ જ્યારે યહોવાએ દાઉદને બધા દુશ્મનોના+ અને શાઉલના હાથમાંથી છોડાવ્યો,+ ત્યારે દાઉદે યહોવા માટે આ ગીત ગાયું.+ ૨ તેણે કહ્યું:
“યહોવા મારો ખડક, મારો કિલ્લો+ અને મારો બચાવનાર છે.+
૩ ઈશ્વર મારો ખડક છે,+ તેમનામાં હું આશરો લઉં છું,
તે મારી ઢાલ,+ મારા શક્તિશાળી તારણહાર* અને મારો સલામત આશરો* છે.+
તે મારો આશ્રય,+ મને બચાવનાર+ અને જુલમથી છોડાવનાર છે.
૪ યહોવાની સ્તુતિ થાઓ! હું તેમને પોકાર કરીશ
અને તે મને દુશ્મનોથી બચાવશે.
૫ મોતનાં મોજાઓએ મને ઘેરી લીધો.+
પૂરની જેમ ધસી આવીને બદમાશોએ મને ડરાવ્યો.+
૬ કબરનાં* બંધનોએ મને બાંધી દીધો.+
મારી સામે મોતની જાળ ફેલાઈ ગઈ.+
૭ સંકટ સમયે મેં યહોવાને હાંક મારી,+
મારા ઈશ્વરને હું પોકારતો રહ્યો.
તેમણે મંદિરમાંથી મારો સાદ સાંભળ્યો
અને મારી અરજ તેમના કાને પડી.+
૮ પૃથ્વી હાલવા લાગી અને કાંપવા લાગી,+
આકાશના પાયા હાલી ઊઠ્યા અને ધ્રૂજી ગયા,+
કેમ કે ઈશ્વર કોપાયમાન થયા હતા.+
૯ તેમનાં નસકોરાંમાંથી ધુમાડો નીકળ્યો,
તેમના મોંમાંથી ભસ્મ કરનાર અગ્નિ પ્રગટ્યો+
અને તેમની પાસેથી ધગધગતા અંગારા વરસ્યા.
૧૨ તેમણે કાળાં કાળાં વાદળોથી,
હા, ગાઢ અંધકારથી પોતાને લપેટી દીધા.+
૧૩ તેમની આગળ રહેલા તેજથી અંગારા સળગી ઊઠ્યા.
૧૪ યહોવા સ્વર્ગમાંથી ગર્જના કરવા લાગ્યા.+
સર્વોચ્ચ ઈશ્વરે પોતાની ત્રાડ સંભળાવી.+
૧૬ યહોવાની ધમકીથી,
તેમના નાકમાંથી નીકળતા સુસવાટાથી,+
સમુદ્રનું તળિયું દેખાયું,+ અરે પૃથ્વીના પાયા નજરે પડ્યા.
૧૭ તેમણે ઉપરથી હાથ લંબાવીને મને પકડી લીધો,
મને ઊંડા પાણીમાંથી બહાર ખેંચી કાઢ્યો.+
૧૮ તેમણે તાકતવર દુશ્મનથી મને બચાવ્યો,+
મને ધિક્કારતા બળવાન વેરીઓથી ઉગાર્યો.
૧૯ સંકટમાં તેઓએ મારા પર હુમલો કર્યો,+
પણ યહોવાએ મને સાથ આપ્યો.
૨૨ હું હંમેશાં યહોવાને માર્ગે ચાલ્યો છું,
મેં મારા ઈશ્વરને ત્યજી દેવાનું પાપ કર્યું નથી.
૨૯ હે યહોવા, તમે મારો દીવો છો.+
યહોવા જ મારો અંધકાર દૂર કરીને પ્રકાશ આપે છે.+
૩૦ તમારી શક્તિથી હું લુટારાઓની સામે થઈ શકું છું.
ઈશ્વરની શક્તિથી હું દીવાલ ઓળંગી શકું છું.+
તેમનામાં આશરો લેનાર દરેક માટે તે ઢાલ છે.+
૩૨ યહોવા સિવાય બીજો ઈશ્વર કોણ?+
આપણા ઈશ્વર સિવાય બીજો ખડક કોણ?+
૩૪ તે મારા પગ હરણના પગ જેવા કરે છે,
તે મને ઊંચી જગ્યાઓએ ઊભો રાખે છે.+
૩૫ તે મારા હાથને યુદ્ધકળા શીખવે છે,
મારા હાથ તાંબાનું ધનુષ્ય વાળી શકે છે.
૩૮ હું મારા દુશ્મનોનો પીછો કરીને તેઓનો સંહાર કરીશ,
તેઓનો સફાયો કર્યા વગર હું પાછો ફરીશ નહિ.
૩૯ તેઓ મારા પગની ધૂળ ચાટશે.
હું તેઓનો સર્વનાશ કરી નાખીશ, તેઓને એવા કચડી નાખીશ કે પાછા ઊઠી નહિ શકે.+
૪૨ તેઓ મદદ માટે પોકારે છે, પણ બચાવનાર કોઈ નથી.
તેઓ યહોવાને કરગરે છે, પણ તે જવાબ આપતા નથી.+
૪૩ હું તેઓને ખાંડીને પવનમાં ઊડતી ધૂળ જેવા કરી નાખીશ,
હું તેઓને રસ્તાના કાદવની જેમ ખૂંદી નાખીશ.
૪૪ મારી સામે આંગળી ચીંધનાર મારા લોકોથી તમે મને બચાવશો,+
તમે મારું રક્ષણ કરીને બીજી પ્રજાઓનો આગેવાન બનાવશો,+
અજાણ્યા લોકો મારી સેવા કરશે.+
૪૫ પરદેશીઓ ડરતાં ડરતાં મારી આગળ આવશે,+
તેઓએ મારા વિશે સાંભળેલી વાતોને લીધે તેઓ મારો પડ્યો બોલ ઝીલશે.*
૪૬ પરદેશીઓ હિંમત હારી જશે,
તેઓ ધ્રૂજતાં ધ્રૂજતાં પોતાના કિલ્લાઓમાંથી નીકળી આવશે.
૪૭ યહોવા જીવતા-જાગતા ઈશ્વર છે! મારા ખડકની સ્તુતિ થાઓ!+
મારા ઉદ્ધારના ઈશ્વરનો મહિમા થાઓ.+