અયૂબ

 ૪ તું કહે છે, ‘હું જે કહું છું, એ જ ખરું છે,+

ઈશ્વરની નજરમાં હું શુદ્ધ છું.’+

 ૫ કાશ! ઈશ્વર તારી સાથે વાત કરે,

અને તારી આગળ પોતાનું મોં ઉઘાડે!+

ઈશ્વર જ્યારે પોતાના ડહાપણનું રહસ્ય તારી આગળ છતું કરશે,

ત્યારે તને ખ્યાલ આવશે કે, તે તારી કેટલીય ભૂલોનો હિસાબ રાખતા નથી.

 ૯ એ પૃથ્વી કરતાં પણ વિશાળ છે,

સમુદ્ર કરતાં પણ પહોળું છે.

૧૦ જો ઈશ્વર કોઈને પકડીને અદાલતમાં લઈ આવે,

તો તેમને કોણ રોકી શકે?

૧૧ માણસોનું કપટ તેમના ધ્યાન બહાર જતું નથી,

તે કંઈ ખોટું થતાં જુએ ત્યારે, પોતાની આંખો મીંચતા નથી.

૧૨ જો જંગલી ગધેડો માણસને જન્મ આપે,

તો જ અક્કલ વગરનો માણસ સમજદાર બને.

૧૩ જો તું ઈશ્વર આગળ હાથ ફેલાવે

અને પોતાના મનમાં ગાંઠ વાળે કે,

૧૪ તું તારા હાથમાંથી ભૂંડાઈ દૂર કરશે,

અને તારા તંબુમાંથી દુષ્ટતા હટાવશે,

૧૫ તો જ તું નિર્દોષ ઠરશે અને તારું માથું ઊંચું કરી શકશે

અને નીડરપણે દૃઢ ઊભો રહી શકશે.

૧૬ એ વખતે તું તારી તકલીફો ભૂલી જશે;

વહી ગયેલા પાણીની જેમ એ તારી યાદમાંથી નીકળી જશે.

૧૮ સોનેરી આશાને લીધે તું નિશ્ચિંત બની જશે,

ચારે બાજુ સલામતી જોઈને તું નિરાંતે ઊંઘી જશે.

૧૯ તું શાંતિથી સૂઈ જશે અને તને કોઈ ડરાવશે નહિ,

તારી કૃપા મેળવવા ઘણા લોકો તને શોધતા આવશે.

૨૦ પણ દુષ્ટોની આંખો ધૂંધળી થઈ જશે;

નાસી છૂટવા તેઓને કોઈ જગ્યા નહિ મળે,

મરણ જ તેઓનો આખરી મુકામ થશે.”+