નાહૂમ

 ૨ યહોવા યાકૂબને તેનું ગૌરવ પાછું આપશે,

ઇઝરાયેલને પણ તેનું ગૌરવ પાછું આપશે,

કેમ કે દુશ્મનોએ તેઓને* ખેદાન-મેદાન કરી નાખ્યા છે+

અને તેઓની કૂંપળો મસળી નાખી છે.

 ૩ તેના* યોદ્ધાઓની ઢાલ લાલ રંગથી રંગાયેલી છે,

તેના શૂરવીરોએ લાલ પોશાક પહેર્યો છે.

તે યુદ્ધ માટે તૈયાર થાય છે એ દિવસે,

તેના રથો પર મઢેલું લોઢું આગની જેમ ઝળહળે છે,

તેના સૈનિકો ભાલા* વીંઝે છે.

 ૫ તે* સેનાપતિઓને બોલાવશે,

આગેકૂચ કરતી વખતે તેઓ ઠોકર ખાશે.

તેઓ કોટ તરફ ધસી જશે

અને નાકાબંધી કરશે.

 ૬ નદીઓના દરવાજા ખોલી દેવામાં આવશે,

અને મહેલ ધસી પડશે.*

તેને* નગ્‍ન કરવામાં આવી છે,

તેને પકડીને લઈ જવામાં આવી છે,

તેની દાસીઓ વિલાપ કરે છે,

તેઓ છાતી કૂટે ત્યારે કબૂતર જેવો અવાજ સંભળાય છે.

 ૮ નિનવેહ નગરી+ શરૂઆતથી જ તળાવ જેવી હતી,

પણ હવે લોકો ત્યાંથી ભાગી રહ્યા છે.

તેઓનું હૃદય ડરને લીધે પીગળી ગયું છે,

તેઓનાં ઘૂંટણો થરથર કાંપે છે અને કમર ભાંગી ગઈ છે;

૧૧ ક્યાં ગઈ સિંહોની એ ગુફા,+ જ્યાં જુવાન સિંહો ખાતાં હતાં,

જ્યાં તેઓ પોતાનાં બચ્ચાં સાથે નિરાંતે ફરતા હતા,

જ્યાં તેઓને કોઈ ડરાવતું ન હતું?

૧૨ સિંહ પોતાનાં બચ્ચાં માટે અનેક જાનવરો ફાડી નાખતો હતો,

પોતાની સિંહણો માટે જાનવરોનું ગળું દબોચી દેતો હતો.

શિકારથી અને ફાડી નાખેલાં જાનવરોથી,

પોતાની ગુફા ભરી દેતો હતો.

૧૩ સૈન્યોના ઈશ્વર યહોવા* જાહેર કરે છે, “જો! હું તારી વિરુદ્ધ છું,+

હું તારા રથોને બાળી નાખીશ, એમાંથી ધુમાડાના ગોટેગોટા નીકળશે,+

તલવાર તારા જુવાન સિંહોનો નાશ કરશે.

હું તને પૃથ્વી પર શિકાર કરતા અટકાવી દઈશ,

અને તારા સંદેશવાહકોનો અવાજ સંભળાતો બંધ થઈ જશે.”+