પુનર્નિયમ
૩૨ “હે આકાશ, હું જે કહીશ એ કાને ધર,
હે પૃથ્વી, તું મારી વાણી સાંભળ.
૨ મારાં સૂચનો વરસાદની જેમ વરસશે;
મારા શબ્દો ઝાકળની જેમ ટપકશે,
ઘાસ પર પડતા ઝરમર વરસાદની જેમ
અને વનસ્પતિ પર પડતા ઝાપટાની જેમ વરસશે.
૩ હું યહોવાનું નામ જાહેર કરીશ.+
હું આપણા ઈશ્વરની મહાનતા પ્રગટ કરીશ.+
તે વિશ્વાસુ ઈશ્વર છે,+ જે ક્યારેય અન્યાય કરતા નથી.+
૫ પણ ઇઝરાયેલીઓએ દુષ્ટ કામો કર્યાં છે.+
તેઓ ઈશ્વરનાં બાળકો નથી, ખોટ તેઓમાં જ છે.+
તેઓ દુષ્ટ અને આડી પેઢી છે!+
શું તે તમારા પિતા નથી, જેમણે તમારું સર્જન કર્યું છે?+
શું તેમણે જ તમને બનાવ્યા નથી, તમને સ્થિર કર્યા નથી?
૭ જૂના દિવસો યાદ કરો;
વીતેલી પેઢીઓનાં વર્ષોનો વિચાર કરો.
તમારા પિતાને પૂછો, તે તમને કહેશે;+
તમારા વૃદ્ધોને પૂછો, તેઓ તમને જણાવશે.
૮ જ્યારે સર્વોચ્ચ ઈશ્વરે પ્રજાઓને તેઓનો વારસો આપ્યો,+
જ્યારે તેમણે આદમના દીકરાઓને* એકબીજાથી અલગ કર્યા,+
ત્યારે તેમણે ઇઝરાયેલના દીકરાઓની સંખ્યા પ્રમાણે+
લોકોને હદ ઠરાવી આપી.+
૧૦ યાકૂબ તેમને વેરાન પ્રદેશમાં મળ્યો,+
સૂમસામ રણપ્રદેશમાં મળ્યો, જ્યાં જંગલી જાનવરોની ત્રાડ ગુંજતી હતી.+
૧૧ જેમ ગરુડ પોતાનો માળો હલાવે છે
અને નીચે પડતાં બચ્ચાંની ઉપર ઊડે છે,
પોતાની પાંખો પ્રસારીને તેઓને ઝીલી લે છે
અને પાંખો પર તેઓને ઉપાડી લે છે,+
૧૨ તેમ એકલા યહોવા તેને* દોરતા રહ્યા;+
કોઈ પારકો દેવ તેમની સાથે ન હતો.+
તેમણે ખડકની બખોલમાં મળતા મધથી,
ચકમકના ખડકમાં થતા તેલથી તેનું પોષણ કર્યું.
૧૪ ગાયના માખણથી અને ઘેટાં-બકરાંના દૂધથી,
તાજાં-માજાં ઘેટાંથી,*
બાશાનના નર ઘેટાથી અને બકરાથી,
હા, ઉત્તમ ઘઉંથી તેનું પોષણ કર્યું.+
તેં સારામાં સારી દ્રાક્ષથી* બનેલો દ્રાક્ષદારૂ પીધો.
૧૫ યશુરૂન* તાજો-માજો થયો ત્યારે, તેણે બંડ પોકાર્યું અને લાત મારી.
તને ચરબીના થર જામ્યા છે, તું તગડો થયો છે, તું ફૂલી ગયો છે.+
એટલે તે પોતાને બનાવનાર ઈશ્વરને ભૂલી ગયો+
અને તેના ઉદ્ધારના ખડકનો તિરસ્કાર કર્યો.
૧૭ તેઓ ઈશ્વરને નહિ, દુષ્ટ દૂતોને* બલિદાનો ચઢાવતા હતા,+
એવા દેવો જેઓને તેઓ ઓળખતા પણ ન હતા,
જેઓ નવા નવા ઊભા થયા હતા,
જેઓને તમારા બાપદાદાઓ પણ ઓળખતા ન હતા.
૧૯ યહોવાએ એ બધું જોયું ત્યારે તેઓનો નકાર કર્યો+
કેમ કે તેમનાં દીકરા-દીકરીઓએ તેમને ગુસ્સે કર્યા.
૨૦ એટલે તેમણે કહ્યું, ‘હું તેઓથી મારું મોં ફેરવી લઈશ;+
હું જોઈશ કે તેઓના કેવા હાલ થાય છે.
૨૧ જે ઈશ્વર નથી એના દ્વારા તેઓએ મને રોષ ચઢાવ્યો* છે;+
તેઓએ પોતાની નકામી મૂર્તિઓથી મને ગુસ્સે કર્યો છે.+
એટલે જે પ્રજા ગણાવાને લાયક નથી એના દ્વારા હું તેઓમાં ઈર્ષા જગાડીશ;+
એક મૂર્ખ પ્રજાથી હું તેઓને ગુસ્સે કરીશ.+
૨૨ મારા કોપનો અગ્નિ ભભૂકી ઊઠ્યો છે,+
એ કબરના*+ તળિયા સુધી બધું ખાખ કરી દેશે,
પૃથ્વી અને એની ઊપજને ભરખી જશે,
પહાડોના પાયાઓને સળગાવી દેશે.
૨૩ હું તેઓની આફતો વધારી દઈશ;
તેઓ પર મારાં બાણ છોડીશ.
હું તેઓ પર ખૂંખાર જાનવરો મોકલીશ,+
ધૂળમાં સરકતા ઝેરી સાપ મોકલીશ.
૨૫ બહાર તલવાર તેઓનાં બાળકો છીનવી લેશે,+
અંદર આતંક તેઓને ડરાવી મૂકશે,+
જુવાનો અને કુંવારીઓ,
શિશુઓ અને વૃદ્ધો, બધાં થરથર કાંપશે.+
૨૬ હું કહી શક્યો હોત: “હું તેઓને વિખેરી નાખીશ;
લોકોમાંથી તેઓની યાદ મિટાવી દઈશ.”
તેઓ કદાચ કહે: “અમારી તાકાતની જીત થઈ છે;+
એમાં યહોવાનો કોઈ હાથ નથી.”
૨૯ જો તેઓ સમજુ હોત+ અને આના પર ઊંડો વિચાર કર્યો હોત,+ તો કેવું સારું!
કાશ, તેઓએ પરિણામનો વિચાર કર્યો હોત.+
૩૦ એકલો માણસ કઈ રીતે ૧,૦૦૦નો પીછો કરી શકે?
બે માણસ કઈ રીતે ૧૦,૦૦૦ને ભગાડી શકે?+
સિવાય કે તેઓના ખડકે તેઓને વેચી દીધા હોય+
અને યહોવાએ તેઓને દુશ્મનોના હાથમાં સોંપી દીધા હોય.
૩૨ કેમ કે તેઓનો દ્રાક્ષાવેલો સદોમના દ્રાક્ષાવેલામાંથી
અને ગમોરાહના ખેતરોમાંથી છે.+
તેઓની દ્રાક્ષો ઝેરની દ્રાક્ષો છે.
તેઓની લૂમો કડવી છે.+
૩૩ તેઓનો દ્રાક્ષદારૂ સાપનું ઝેર છે,
નાગનું જીવલેણ વિષ છે.
૩૫ વેર વાળવું અને બદલો લેવો એ મારું કામ છે.+
ઠરાવેલા સમયે તેઓના પગ લપસી જશે,+
કેમ કે તેઓની બરબાદીનો દિવસ નજીક છે,
તેઓ પર જે આવી પડવાનું છે, એ જલદી જ આવી પડશે.’
૩૬ જ્યારે યહોવા જોશે કે તેમના લોકો નિર્બળ થઈ ગયા છે,
તેઓમાં ફક્ત લાચાર અને કમજોર લોકો રહી ગયા છે,
ત્યારે તે તેઓનો ન્યાય કરશે+
અને પોતાના સેવકો પર તેમને દયા આવશે.*+
૩૭ પછી તે કહેશે, ‘તેઓના દેવો ક્યાં છે?+
તેઓનો ખડક ક્યાં છે, જેમાં તેઓએ આશરો લીધો હતો?
તેઓ આવીને તમારી મદદ કરે.
તેઓ તમારો આશરો બને.
હું જ મોત આપું છું અને હું જ જીવન આપું છું.+
૪૦ કેમ કે હું સનાતન ઈશ્વર છું, હું મારા સમ* ખાઈને કહું છું,+
હું મારો હાથ ઊંચો કરીને* સમ ખાઉં છું,
૪૧ જ્યારે હું મારી ચળકતી તલવારને તેજ કરીશ,
મારા હાથને ન્યાયચુકાદો લાવવા તૈયાર કરીશ,+
ત્યારે હું મારા દુશ્મનો પર વેર વાળીશ+
અને મને નફરત કરનારાઓ પાસેથી બદલો લઈશ.
૪૨ કતલ થયેલા લોકોનું અને ગુલામોનું લોહી
હું મારાં બાણોને પિવડાવીશ.
દુશ્મન આગેવાનોનાં માથાંનું માંસ
હું મારી તલવારને ખવડાવીશ.’
૪૩ હે પ્રજાઓ, ઈશ્વરના લોકો સાથે આનંદ કરો,+
કેમ કે તે પોતાના સેવકોના લોહીનો બદલો લેશે,+
તે પોતાના દુશ્મનો પર વેર વાળશે+
૪૪ આમ, મૂસા આવ્યો અને નૂનના દીકરા હોશીઆ*+ સાથે મળીને એ ગીતના સર્વ બોલ તેણે લોકોને સંભળાવ્યા.+ ૪૫ મૂસાએ બધા ઇઝરાયેલીઓને એ સર્વ કહી સંભળાવ્યું પછી ૪૬ તેણે કહ્યું: “આજે મેં તમને જે જે ચેતવણીઓ આપી છે એના પર તમારું મન લગાડો,+ જેથી તમે તમારા દીકરાઓને એ બધી આજ્ઞાઓ ધ્યાનથી પાળવાનું જણાવી શકો.+ ૪૭ કેમ કે એ તમારા માટે ખોખલી વાતો નહિ, પણ તમારું જીવન છે.+ જો તમે એનું પાલન કરશો, તો જ એ દેશમાં લાંબું જીવી શકશો, જેને કબજે કરવા તમે યર્દન પાર કરીને જઈ રહ્યા છો.”
૪૮ એ જ દિવસે યહોવાએ મૂસાને કહ્યું: ૪૯ “મોઆબ દેશમાં યરીખો સામે આવેલા નબો પર્વત+ પર જા, જે અબારીમ પર્વતમાળા+ પર આવેલો છે. ત્યાંથી કનાન દેશ જો, જે હું ઇઝરાયેલીઓને વારસા તરીકે આપું છું.+ ૫૦ તું જે પર્વત પર ચઢે છે ત્યાં તારું મરણ થશે અને તને દફનાવવામાં આવશે,* જેમ હોર પર્વત પર તારા ભાઈ હારુનનું મરણ થયું હતું+ અને તેને દફનાવવામાં આવ્યો હતો.* ૫૧ કેમ કે ઝીનના વેરાન પ્રદેશમાં કાદેશના મરીબાહના પાણી+ પાસે ઇઝરાયેલીઓ વચ્ચે તમે બંને બેવફા બન્યા હતા અને ઇઝરાયેલીઓ સામે મને પવિત્ર ઠરાવ્યો ન હતો.+ ૫૨ જે દેશ હું ઇઝરાયેલીઓને આપું છું એને તું દૂરથી જોશે, પણ એમાં જઈ નહિ શકે.”+