યહોવાના સેવકો તરીકે આપણું જીવન

સમજદારીથી મનોરંજન પસંદ કરો

આપણે કેમ સમજી-વિચારીને મનોરંજન પસંદ કરવું જોઈએ? કેમ કે આપણી પસંદગીથી જોવા મળશે કે આપણે દિલમાં શું ભરીએ છીએ. આપણે કોઈ ફિલ્મ જોઈએ, ગીત સાંભળીએ, વેબસાઈટ પર જઈએ, પુસ્તક કે લેખ વાંચીએ અથવા વીડિયો ગેમ રમીએ ત્યારે, એની અસર આપણા વાણી-વર્તન પર થાય છે. દુઃખની વાત છે કે, દુનિયાના મોટા ભાગના મનોરંજનમાં એવી બાબતો છે જેને યહોવા ધિક્કારે છે. (ગી ૧૧:૫; ગલા ૫:૧૯-૨૧) એટલે જ, બાઇબલ વિનંતી કરે છે કે યહોવાને મહિમા મળે એવી બાબતો પર મન પરોવીએ.—ફિલિ ૪:૮.

મારે કેવું મનોરંજન પસંદ કરવું જોઈએ? વીડિયો જુઓ અને પછી આ સવાલોના જવાબ આપો:

આજનું અમુક મનોરંજન કઈ રીતે પ્રાચીન રોમમાં રમાતી ક્રૂર રમતો જેવું જ છે?
મંડળનાં ભાઈ-બહેનો કઈ રીતે યુવાનોને યોગ્ય મનોરંજન પસંદ કરવા મદદ કરી શકે?
મનોરંજનની પસંદગી વિશે રોમનો ૧૨:૯માંથી શું શીખવા મળે છે?
તમારા વિસ્તારમાં કેવું સારું મનોરંજન છે? દાખલા આપો.

મનોરંજન જુઓ છો કે એમાં ભાગ લો છો?

આજે મોટા ભાગનું મનોરંજન એ રીતે તૈયાર કરવામાં આવે છે જેમાં વ્યક્તિએ બેસીને આનંદ માણવાનો હોય છે. જેમ કે, ફિલ્મ કે ટીવી પ્રોગ્રામ જોવા, પુસ્તક વાંચવું, વગેરે. એ બધા પાછળ રચનારની કલ્પના હાય છે, નહિ કે એને જોનાર કે વાંચનારની. આવું મનોરંજન જોવું ખોટું નથી. પણ ઘણાને એવું મનોરંજન પસંદ છે, જેમાં તેઓ પોતે ભાગ લઈ શકે છે. દાખલા તરીકે, અમુકને સંગીતના વાજિંત્રો વગાડવાનો કે ચિત્રો દોરવાનો શોખ હોય છે. તો બીજાઓને સ્વિમિંગ કરવું ગમે છે અથવા બેડમિન્ટન કે ક્રિકેટ જેવી રમતો રમવી પસંદ છે. ચાલો આપણે હંમેશાં એવું મનોરંજન પસંદ કરીએ, જેનાથી ‘ઈશ્વરને મહિમા મળે.’—૧કો ૧૦:૩૧.