યહોવા શુદ્ધ લોકોને પ્રેમ કરે છે

“હાથ ધો. રૂમ સાફ કર. કચરો વાળી નાખ. નકામી વસ્તુઓ ફેંકી દે.” આવું કહીને ઘણાં માતા-પિતા પોતાનાં બાળકોને શીખવે છે કે, કેવી રીતે શુદ્ધ રહેવું. યહોવા પોતે પવિત્ર છે. તેમણે આપણને શુદ્ધ રહેવા વિશે નિયમો આપ્યા છે. (નિર્ગ ૩૦:૧૮-૨૦; પુન ૨૩:૧૪; ૨કો ૭:૧) આપણા શરીરને અને વસ્તુઓને સાફ રાખીએ છીએ ત્યારે, આપણે યહોવાને માન આપીએ છીએ. (૧પી ૧:૧૪-૧૬) આપણા ઘર અને આંગણા વિશે શું? લોકો રસ્તા પર અને બગીચામાં કચરો ફેંકે છે. પણ સાચા ઈશ્વરભક્તો પૃથ્વીને પોતાનું ઘર માને છે, એટલે ગમે ત્યાં કચરો ફેંકતા નથી. (ગી ૧૧૫:૧૬; પ્રક ૧૧:૧૮) નાની નાની વસ્તુઓમાં પણ એ દેખાઈ આવવું જોઈએ. જેમ કે, ચોકલેટના રેપર, સોડાની બાટલીનાં બુચ કે પછી ચ્યુંગમ ક્યાં નાખીએ છીએ? જીવનના દરેક પાસામાં આપણે એ ‘બતાવી આપીએ છીએ કે આપણે ઈશ્વરના સેવકો છીએ.’—૨કો ૬:૩, ૪.

આ વીડિયો જુઓ ઈશ્વર શુદ્ધ લોકોને પ્રેમ કરે છે અને પછી નીચેના સવાલોના જવાબ આપો:

• અમુક લોકો પોતાની વસ્તુઓને સાફ ન રાખવા કેવાં બહાનાં કાઢે છે?

• મુસાના નિયમમાંથી કઈ રીતે શુદ્ધતા વિશે યહોવાના વિચારો જાણવા મળે છે?

• ફક્ત વાણીથી નહિ, પણ આપણા કાર્યોથી કેવી રીતે યહોવા વિશે સાક્ષી આપી શકીએ?