કુટુંબમાં એકબીજાને પ્રેમ બતાવીએ

પ્રેમ એક એવું બંધન છે જે કુટુંબમાં દરેકને એકબીજા સાથે જોડી રાખે છે. જો કુટુંબમાં પ્રેમ નહિ હોય તો સંપ અને સાથ-સહકાર પણ નહિ હોય. કુટુંબમાં પ્રેમ વધારવા પતિ-પત્ની અને માતા-પિતાએ શું કરવું જોઈએ?

પતિ પોતાની પત્નીને પ્રેમ કરે છે અને તેની જરૂરિયાતો પૂરી કરે છે. તેમજ તેના વિચારો અને લાગણીઓને પણ સમજે છે. (એફે ૫:૨૮, ૨૯) તે પોતાના કુટુંબનું ભરણપોષણ કરે છે. યહોવા સાથેનો સંબંધ મજબૂત કરવા તેઓને મદદ કરે છે. દર અઠવાડિયે કુટુંબ તરીકેની ભક્તિ થાય એનું પણ તે ધ્યાન રાખે છે. (૧તિ ૫:૮) પત્ની પોતાના પતિને પ્રેમ કરે છે. તે તેમને આધીન રહે છે અને “પૂરા દિલથી” માન આપે છે. (એફે ૫:૨૨, ૩૩; ૧પિ ૩:૧-૬) પતિ-પત્નીએ ‘એકબીજાને દિલથી માફ કરવા જોઈએ.’ (એફે ૪:૩૨) બાળકોને પ્રેમ કરનાર માતા-પિતા તેઓની સંભાળ રાખે છે અને યહોવાને પ્રેમ કરવાનું શીખવે છે. (પુન ૬:૬, ૭; એફે ૬:૪) તેઓ ખાસ ધ્યાન રાખે છે કે બાળકોને સ્કૂલમાં કેવી મુશ્કેલીઓ આવે છે. તેમજ દોસ્તોનું દબાણ આવે તો કેવી રીતે સામનો કરવો એ પણ શીખવે છે. કુટુંબમાં પ્રેમ હશે તો કોઈ ચિંતા કે ડર નહિ હોય અને બધા સલામતી અનુભવશે.

કુટુંબમાં સાચો પ્રેમ બતાવો વીડિયો જુઓ અને પછી આ સવાલોના જવાબ આપો:

• 

  પતિ પોતાની પત્નીની કઈ રીતે સંભાળ રાખશે?

• 

  પત્ની પોતાના પતિ સાથે કઈ રીતે વર્તશે?

• 

  માતા-પિતા પોતાનાં બાળકોને કઈ રીતે શીખવશે?