અભ્યાસ ૨
વાતચીતની રીત
૨ કોરીંથીઓ ૨:૧૭
મુખ્ય વિચાર: સહેલાઈથી અને દિલથી વાત કરો. સાંભળનારને એવું લાગવું જોઈએ કે તમને તેમના માટે લાગણી છે, દયા છે, પ્રેમ છે. એટલે મહત્ત્વના વિષય પર વાત કરવા આવ્યા છો.
કેવી રીતે કરશો:
પ્રાર્થના કરો, સારી તૈયારી કરો. વાત કરો ત્યારે ગભરાશો નહિ. સંદેશા પર ધ્યાન દોરી શકો એ માટે પ્રાર્થના કરો. તમે જે મુખ્ય વિચારો જણાવવા માંગો છો એને તમારા મનમાં ગોઠવી રાખો. તમારા પોતાના શબ્દોમાં વિચારો જણાવો. છાપેલા કે ગોખેલા શબ્દો બોલી જતા નહિ.
દિલથી વાત કરો. વિચારો કે લોકોએ શા માટે તમારો સંદેશો સાંભળવો જોઈએ. તેઓ પર ધ્યાન આપો. એમ કરશો તો, તમારા હાવભાવમાં, તમારા ચહેરા પર પ્રેમ અને મમતા દેખાઈ આવશે.
સાંભળનારાઓને જુઓ. જો તમારા સમાજમાં લોકોને ખરાબ ન લાગે, તો તેઓની સામે જોઈને વાત કરો. તમે ટૉક આપો ત્યારે, સાંભળનારાઓ પર ફક્ત નજર ફેરવવાને બદલે તેઓમાંથી એક એકની સામે જોઈને વાત કરો.