હઝકિયેલના પુસ્તક પર એક નજર

હઝકિયેલના પુસ્તકમાં જેમ જેમ બનાવો બન્યા તેમ તેમ વિષય પ્રમાણે વર્ણન કરવામાં આવ્યું છે. યરૂશાલેમ અને એના મંદિરના નાશ વિશે પહેલા ભવિષ્યવાણી કરવામાં આવી. પછી યહોવાની ભક્તિ ફરી શરૂ કરવા વિશે ભવિષ્યવાણી કરવામાં આવી. એ એકદમ બરાબર છે, કેમ કે અગાઉ મંદિરમાં યહોવાની શુદ્ધ ભક્તિ બંધ થઈ ગઈ હતી. એટલે શુદ્ધ ભક્તિ ફરી શરૂ થાય એ વિશે ભવિષ્યવાણી કરવામાં આવી.

પહેલા યરૂશાલેમના નાશની ભવિષ્યવાણી થઈ. પછી દુશ્મન દેશોને સજા થશે એની ભવિષ્યવાણી કરવામાં આવી (અધ્યાય ૨૫-૩૨). એના પછી યહોવાની ભક્તિ ફરી શરૂ થશે એની ભવિષ્યવાણી થઈ. દુશ્મન દેશો પર સજા લાવવાની હઝકિયેલની ભવિષ્યવાણી વિશે એક વિદ્વાન કહે છે: “પહેલા ભવિષ્યવાણી કરવામાં આવી કે કઈ રીતે ઈશ્વરનો કોપ પોતાના લોકો પર ભડકી ઊઠશે. પછી તેમણે જણાવ્યું કે કઈ રીતે દુશ્મન દેશોને સજા કરવામાં આવશે. એના પછી તેમણે જણાવ્યું કે કઈ રીતે ઈશ્વર પોતાના લોકો પર દયા કરશે. એ એકદમ બરાબર છે, કેમ કે ઈશ્વર પોતાના લોકો પર દયા કરીને તેમને છોડાવે એ પહેલાં દુશ્મન દેશોને સજા કરે એ જરૂરી હતું.”

પ્રકરણ ૧, ફકરા ૧૮ પર પાછા જાઓ