Génesis

36 Anuu nüchikimaajatü Esaú, Edom münüshi niaya.

2 Kaʼwayuuseshi Esaú wayuu chejeʼewat Canaán, nuʼwayuusesü Adá, nüchon Elón, chi hititakai jee müsia nuʼwayuusesü Oholibamá, nüchonka Aná tü nülüinkat Zibeón, chi heveokai. 3 Nuʼwayuusetaasü Basemat nüchonka Ismael tü nuwalakat Nebayot.

Napüshuaʼa naainnua naya na nüchonniikana Esaú joʼuukana suluʼu tü mmakat Canaán. 6 Nuʼunaka mapa Esaú suluʼumüin wanee mma kaʼyata nuulia Jacob, chi nimüliakai. Nümaasü tü nuʼwayuusekalüirua, nüchonnii tooloyuu, nüchonnii jieyuu jee napüshuaʼa na kepiakana nümaa, nümaasü nüsachirat, nümüʼlüin jee müsia nülüʼüjain süpüshuaʼa tü nuwashirüin nümaʼanajatkat chaa suluʼu tü mmakat Canaán. 7 Nnojolichipa süpüla kottiraain Esaú nümaa Jacob süka wainmain maʼin tü nawashirüinkat, wattashaata saalii tü namüʼlüinkat, joʼuuchonka tü mma eere naya süpüla nekajeʼerüin namüʼlüin suluʼu. 8 Nukolojooka Esaú uuchoʼumüin suluʼumüin tü mmakat Seír. Edom münüshi Esaú.

9 Anuu nüchikimaajatü Esaú, chi natuushikai na edomitakana, na kepiakana uuchoʼu suluʼu tü mmakat Seír.

10 Elifaz nünülia chi nüchonkai Esaú sümüin Adá, tü nuʼwayuusekat jee müshia Reuel nünülia chi nüchonkai sümüin Basemat, suwalaʼataka nuʼwayuuse Esaú.

11 Na nüchonniikana Elifaz nia Temán, Omar, Zefó, Gatam jee müshia Quenaz. 12 Eekalaka wanee suwalaʼata nuʼwayuuse Elifaz, chi nüchonkai Esaú, Timná sünülia. Kachonkalaka shia mapa nümüin Elifaz, Amalec nünülia chi süchonkai. Napüshuaʼa naainnua süikeyuu Adá, tü nuʼwayuusekalü Esaú.

13 Na nüchonniikana Reuel nia Náhat, Zérah, Samá jee müshia Mizá. Naainnua süikeyuu Basemat tü nuʼwayuusekalü Esaú.

14 Kachonkalaka Oholibamá nümüin Esaú: Jeús, Jalam otta Coré nanülia. Oholibamá nuʼwayuuse shia Esaú, süchon shia Aná jee nülüin shia Zibeón.

15 Anuu nanülia na shikiipüʼü wayuu eekana naʼakajee na nüikeyuukana Esaú. Saʼakajee nüpüshi Elifaz, chi niʼirumakai Esaú, nia Temán chi shikiipüʼükai wayuu, Omar chi shikiipüʼükai wayuu, Zefó chi shikiipüʼükai wayuu, Quenaz chi shikiipüʼükai wayuu, 16 Coré chi shikiipüʼükai wayuu, Gatam chi shikiipüʼükai wayuu jee müshia Amalec chi shikiipüʼükai wayuu. Wayuukana naainnua saʼakajeejana nüpüshi Elifaz, shikiipüʼü naya wayuu chaa Edom, süikeyuu naya Adá.

17 Na shikiipüʼü wayuu eekana saʼakajee nüpüshi Reuel, chi nüchonkai Esaú, nia Náhat chi shikiipüʼükai wayuu, Zérah chi shikiipüʼükai wayuu, Samá chi shikiipüʼükai wayuu jee müshia Mizá chi shikiipüʼükai wayuu. Wayuukana naainnua saʼakajeejana nüpüshi Reuel, shikiipüʼü naya wayuu chaa Edom, süikeyuu naya Basemat, tü nuʼwayuusekalü Esaú.

18 Na shikiipüʼü wayuu eekana saʼakajee süpüshi Oholibamá, tü nuʼwayuusekat Esaú, nia Jeús chi shikiipüʼükai wayuu, Jalam chi shikiipüʼükai wayuu, jee müshia Coré chi shikiipüʼükai wayuu. Wayuukana naainnua süikeyuu Oholibamá, tü nüchonkat Aná, tü nuʼwayuusekat Esaú.

19 Wayuukana naainnua nüikeyuu Esaú, Edom münüshi Esaú otta shikiipüʼü naya wayuu.

20 Na nüchonniikana Seír chi horeokai, na kepiakana suluʼu tia mmakat, nia Lotán, Sobal, Zibeón, Aná, 21 Disón, Ézer jee müshia Disán. Wayuukana naainnua shikiipüʼü naya wayuu naʼaka na horeokana suluʼu tü mmakat Edom, nüchonnii naya Seír.

22 Na nüchonniikana Lotán nia Horí jee müshia Hemam, Timná nuwala shia Lotán.

23 Na nüchonniikana Sobal nia Alván, Manáhat, Ebal, Sefó jee müshia Onam.

24 Naya nüchonniikana Zibeón Ayá nümaa Aná. Nia Aná antaka sünain eejeere süparalüin wüin jemetüsü chaa isashiipaʼa, nünta anainrü tia soʼu mekeerüin nia süchiirua nüpüliiküse Zibeón chi nüshikai.

25 Disón nünülia wanee nüchon Aná jee Oholibamá sünülia tü nüchonkat.

26 Naya nüchonniikana Disón Hemdán, Esbán, Itrán jee müshia Kerán.

27 Naya nüchonniikana Ézer Bilhán, Zaaván jee müshia Acán.

28 Naya nüchonniikana Disán Uz jee müshia Arán.

29 Anuu nanülia na nekiipüʼükana na horeokana: Lotán chi shikiipüʼükai wayuu, Sobal chi shikiipüʼükai wayuu, Zibeón chi shikiipüʼükai wayuu, Aná chi shikiipüʼükai wayuu, 30 Disón chi shikiipüʼükai wayuu, Ézer chi shikiipüʼükai wayuu jee müshia Disán chi shikiipüʼükai wayuu. Nekiipüʼü naya na horeo chajanakana kepiain suluʼu tü mmakat Seír.

31 Anuu nanülia na aluwataashiikana saaʼu tü mmakalü Edom süpülapünaa nüneekünüin wanee aluwataashi naaʼu na israelitakana. 32 Nia aluwataaka saaʼu Edom Bela, chi nüchonkai Beor. Dinhabá sünülia tü pueulo eejeere nuluwataain. 33 Soʼu nünaajaain Bela nia aluwataaka nüchikumüin Jobab, chi nüchonkai Zérah chi chejeʼewaikai Bozrá. 34 Soʼu nünaajaain Jobab nia aluwataaka nüchikumüin Husam, chi chejeʼewaikai noumainpaʼajee na temanitakana. 35 Soʼu nünaajaain Husam nia aluwataaka nüchikumüin Hadad, chi nüchonkai Bedad. Avit sünülia tü pueulo eejeere nuluwataain, ayamuluushii na madianitakana nüchiki suluʼu tü mmakat Moab. 36 Soʼu nünaajaain Hadad nia aluwataaka nüchikumüin Samlá, chi chejeʼewaikai Masrecá. 37 Soʼu nünaajaain Samlá nia aluwataaka nüchikumüin Shaúl, chi chejeʼewaikai Rehobot, tü chakat süʼütpaʼa tü Süchikat. 38 Soʼu nünaajaain Shaúl nia aluwataaka nüchikumüin Baal-Hanán, chi nüchonkai Acbor. 39 Soʼu nünaajaain Baal-Hanán, chi nüchonkai Acbor, nia aluwataaka nüchikumüin Hadar. Paú sünülia tü pueulo eejeere nuluwataain, Mehetabel sünülia tü nuʼwayuusekat, süchon shia Matred otta sülüin shia Mezahab.

40 Anuu nanülia na shikiipüʼükana wayuu nüikeyuukana Esaú wanaapünaa sümaa napüshi jee tü mma eere kepiain naya, nia Timná chi shikiipüʼükai wayuu, Alvá chi shikiipüʼükai wayuu, Jetet chi shikiipüʼükai wayuu, 41 Oholibamá chi shikiipüʼükai wayuu, Elá chi shikiipüʼükai wayuu, Pinón chi shikiipüʼükai wayuu, 42 Quenaz chi shikiipüʼükai wayuu, Temán chi shikiipüʼükai wayuu, Mibzar chi shikiipüʼükai wayuu, 43 Magdiel chi shikiipüʼükai wayuu jee müshia Iram chi shikiipüʼükai wayuu. Naya makana naya na shikiipüʼükana wayuu chaa Edom wanaapünaa sümaa tü mma eejanale kepiain naya, nüikeyuu naya Esaú chi natuushikai na wayuu edomitakana.