EKIRAJAAYA 1

Paaʼinrajatka süpüla poonooin nümaa Maleiwa

Aashajaashi Maleiwa wamaa sükajee tü Wiwüliakat (2 Timoteo 3:16)

Chejee iipünaajee eere nuluwataain Je’waa, nüshajirüin tü Wiwüliakat nakajee waneeinnua wayuu

Tü nünüikikat Maleiwa suluʼusü tü Wiwüliakat. Nüshajirüin waneeinnua wayuu. Wainma kasa anasü saashajaaka achiki tü Wiwüliakat otta nücheküin watüjaain saaʼu.

Kekiishi maʼin nia woulia. Nütüjaa aaʼu tü kasa anakat süpüla waaʼinrüin. Woonoole nümaa, aneerü sukuwaʼipa tü kasa waaʼinrakat (Proverbios 1:5).

Tü Wiwüliakat sulu’u wainma anüikii; wanee aashaje’eraka tü Wiwüliakat sulu’u nünüiki

Keeʼireesü naaʼin naashajeʼerüin tü Wiwüliakat napüshuaʼa na wayuukana. Müsüjeseʼe sülatinnüin suluʼu wainma anüiki.

Keeʼireere waaʼin woonooin nümaa Maleiwa, waashajeʼerüinjatü tü Wiwüliakat jee wayaawatüinjatü saaʼu tü sümakat.

Sainküin tü mmakat, wainma wayuu oonooka nümaa Maleiwa (Mateo 28:19)

Wanee aküjüi pütchi aashaje’etka tü Wiwüliakat nümüin wanee wayuu, nikirajüin nia sünain tü Wiwüliakat

Piyaawateerü aaʼu tü sümakat tü Wiwüliakat natuma na aküjüliikana pütchi nüchiki Jeʼwaa.

Sainküin tü Mmakat, nekirajüin tü shiimainkat nüchiki Maleiwa.

Wanee outkajawaa sulu’u tü piichi noutkajaaleekat na aküjüliikana pütchi nüchiki Je’waa

Puutkajaale namaa na Aküjüliikana pütchi, kooʼomüinjeerü tü pütüjaakalü aaʼu nüchiki Maleiwa. Ekirajüshii naya masaloui.