EKIRAJAAYA 7

¿Piʼraajüin Jesuu?

Aluwataanüshi Mmapaʼamüin Jesuu nutuma Jeʼwaa (1 Juan 4:9, NM)

Shaʼwatüshi Jesuu nikialuʼu Maleiwa chaa iipünaa

Süpülapünaa nukumajünüin Adán, nukumajüin Jeʼwaa palajana chaa sirumatuʼu wanee aapiee pülashi maʼin. Keeʼireesü naaʼin woonooin nümaa chia aapieekai.

María ipuotsü shia nümaa Jesuu otta joʼuushi Jesuu

Mapa, joʼuushi nutuma Maleiwa yaa saaʼu tü Mmakat. Jesuu nünülia nutuma. Jemeishi nia chaa Belén, süleʼerujuchi wanee majayülü Mariia sünülia (Juan 6:38).

Jesuu sünain ekirajaa wayuu nüchiki Jeʼwaa

Wanaa sümaa yaajachin Jesuu saaʼu tü Mmakat, niiʼiyatüin anamiain jee aipüralin nia maʼaka naaʼin Jeʼwaa. Makalaka sücheküin wayuu sürütkaain nünainmüin. Meimmoluinsai nia sünain aküjaa tü shiimainkat nüchiki Maleiwa.

Mayaapejeʼe naaʼinrüin Jesuu kasa anasü, aʼürülaanüshi nia (1 Pedro 2:21-24)

Nüso’ire’erüin saaʼin Jesuu wanee jintut otta niiyajüin wanee wayuu ayuuishi

Niiyajüin Jesuu na ayuuikana otta nüsoʼireʼerüin naaʼin na ouktüshiikana.

Süka nüküjüin Jesuu süchiki tü kasa mojusü naainjakat na nekiipüʼükana na anoujayaashiikana otta süchiki tü alawaa nekirajakat, naʼürülashi nia.

A’yaajünüshi Jesuu otta o’utünaa aaʼinchi nia

Na nekiipüʼükana na anoujayaashiikana nootuin na romaanokana süpüla naʼyaajüin jee noʼutüin naaʼin Jesuu.