¿Jamüsü anaka pikirajaale sünain tü Wiwüliakat?

Wainma wayuu kamaʼanaka tü Wiwüliakat sainküin tü mmakat. ¿Jamüsü eeka shia namaʼana? Süka meematüin aka saaʼin sukuwaʼipa wayuu maaʼulu nakuwaʼipa na wayuu saashajaakana achiki. Süküjüin jamapuʼuin nakuwaʼipa na wayuukana namaa na waneeinnua otta nümaa Maleiwa. Tia, eesü tü kasa anasü shikirajakalü anain waya. Mapüleesat tü pütchi ashajünakalü aka tü Wiwüliakat jee lotusü maʼin tü süküjakat. Eesü süpüla süshajünüin süka wainma anüikii süpüla mapüleeinjatüin ayaawataa saaʼu tü sümakat. Anasü wakuwaʼipa sutuma tü pütchi sümakat tü Wiwüliakat.

Nünüiki Maleiwa tü Wiwüliakat, nnojotsü aashajaain neʼe nüchiki. Süküjüin kasaichin nünülia, tü nukuwaʼipakat otta tü keeʼireekat naaʼin süpüleerua tü Mmakat ooʼulaka napüleerua na wayuukana. Aashajaasü süchiki kakaliainnain na mojulaashiikana peʼipaain namaa na wayuu nümaakana Maleiwa, akatsaʼa alüʼülüin süpüla najaʼttinnüin na mojulaashiikana. Waashajeʼerüle tü Wiwüliakat sümaa nnojoluin mojuin tü jülüjakat waaʼin süchiki, kanouleena waya otta watüjaajeerü aaʼu tü naapeetkat wamüin Maleiwa.

Tü pütchi suluʼukat tü Wiwüliakat, nnojotsü wantüin anain suluʼu waneeirua karaloukta. Süküjüin wamüin tü shiimainkat süchiki:

• Jamakuwaʼipalüin wayuu otta tü müliaakat

• Tü naaʼinrakat Maleiwa süpüla woʼttaainjanain

• Tü naaʼinrakat Jesuu wapüleerua

• Tü sukuwaʼipainjatkat tü Mmakat otta wayuu

Pikirajaa sünain tia pütchikalüirua süpüla pütüjaain saaʼu tü sümakat tü Wiwüliakat.