Tü anakat maʼin sünain waʼyataain

Kolonpia. Soʼu kashika nowienpüroʼu soʼu 2009, eeshii 16.919 pürekutsoot rekulaat (alatüirü 33 kashi sünain ayatüin kooʼomüin).

Wenesueela. Talatüsü maʼin waaʼin sutuma naküjüin maʼin pütchi na wawalayuukana. Waküjüin tia süka kooʼomüin 16.951 pürekutsoot rekulaat soʼu kashika nowienpüroʼu soʼu 2009. Soʼu kashika ouktupüroʼu kooʼomüinshii 174.469 wayuu ekirajaaka sünain tü Wiwüliakat, shiiʼiyatüin tia kooʼomüinjeenain na anoujüshiikana. Otta müsia, jayasü ‹kooʼomüin nutuma Jeowa tü waʼyataainkat wanaa sümaa choʼujaain shia› (Isa. 60:​22, NM).