Süpüshi tü wanüikinjatkat

Suʼttia shikirajia wayuu juulioʼu soʼu palajatka saawanoʼu

«Wainma wayuu atüjaakat saaʼu pütchikat tüü: ‹Sünta tü puluwataayakat süpüla saainjünüin tü keeʼireekat paaʼin yaa mmapaʼa maʼaka chayaa sirumatuʼu›. ¿Kasa wayuu tia aluwataayakat? [Puuʼulaa nüsouktai.] Süküjüin shia wamüin pütchikat tüü.» Paashajeʼera Daniel 2:44. Paapa La Atalaya ojuʼitaka juulioʼu 1 otta pikiraja süka tü palajatkat pütchi suluʼuka süpana 16. Püpüta tü rewiisütakat otta püküja joujainjachin püleʼejüin süpüla pikirajüin sünain tü wanee asakiraakat.

La Atalaya Juulioʼu 1

«Süka motsomüin neʼe katüin woʼu otta weʼrüin müliaa, eeshii wayuu jülüjaka aaʼin aleinjatüinya neʼe wakuwaʼipa. ¿Jülüjüirü paaʼin tia? [Puuʼulaa nüsouktai.] Ajaʼtteerü tia saashin tü Wiwüliakat [paashajeʼera Alateetkat Mapeena 21:4]. Süküjüin rewiisütakat tüü jamüin nukumajaka Maleiwa tü Mmakat otta süküjüin tü waaʼinrüinjatkat süpüla talatüin waaʼin maaʼulu.»

¡Despertad! Juulioʼu

Püküja wanee kasa mojusü alataka jekenainka otta püma: «¿Jamüsü saaʼin pümüin nuuʼulaaka Maleiwa sülatüin tia? [Puuʼulaa nüsouktai.] Süküjüin tü Wiwüliakat nümülialüin Maleiwa na müliakana [paashajeʼera Éxodo 3:7]. Süküjüin tü Wiwüliakat jamüin nuuʼulaaka Maleiwa eein tü müliaakat otta süküjüin najaʼttireerüin shia soʼu palitchon kaʼi. Süküjüin rewiisütakat tüü jameerüin sukuwaʼipa.»