Tü aküjünajatkat wamüin

◼ Karaloukta aküjünajatka aka pütchi maatsoʼu otta awüriiroʼu: Aapiria wayuu. Puuyantapa püchikuaʼa eemüin na wayuu ekirajaweekana, paapa tü karalouktakat Kasa shikirajaka, wanaapünaa sümaa nakuwaʼipa na wayuukana, paapa tü poyeetokot Poonoo nümaa Maleiwa jee shiale Poonoo nümaa Maleiwa süpüla katüin poʼu waneepia jee puʼtta sünain ekirajaa. Maayoʼu otta juunioʼu: püküja pütchi süka tü karalouktachenkat: Talata pia sümaa püpüshi, ¿Jarai maʼin chi aluwataakai saaʼu tü mmakat?, ¿Pücheküin pütüjaain saaʼu tü shiimainkat? Kamalainre namüin na wayuukana tü pütchikat, piiʼiyata jamüin sukuwaʼipa suʼttia shikirajaaya sünain tü Wiwüliakat sükajee tü karalouktakat Kasa shikirajaka jee shiale süka tü poyeetokot Poonoo nümaa Maleiwa jee shiale Poonoo nümaa Maleiwa süpüla katüin poʼu waneepia.

◼ Tü outkajawaakat eere sotuin waaʼin ouktüin Jesuu aainjünajatü maatsoʼu 26 soʼu tü juyakat 2013. Juutkajaʼawaire maatteʼulu, acheküsü suʼwanajaanüinjatüin süpüla wanee kaʼi nnojotkalü oʼu noutkajaain na wanee wawalayuukana. Nnojorülejeʼe süpüla saainjünüin tü outkajawaakat süpüla Aʼyatawaa nümüin Maleiwa, chi wawala akumajakai napüleerua na laülaashiikana tü aainjünajatkat, nüneeküinjatü saʼakajee tia pütchikat tü aneetkat atuma nakuwaʼipa na wawalayuukana. Ekirajaanüinjatü anain tia pütchikat suʼunnaʼaya neʼe kashika maatsoʼu. Nülapalaale chi wawalakai eere puutkajaain suʼunnaa tü outkajawaakat eere sotuin waaʼin ouktüin Jesuu, anasü müleka jiiʼiratüle sünain wanee kaʼi naata tü outkajawaa aainjünawaikat maatteʼu.