Süpüshi tü wanüikinjatkat
Suʼttia shikirajia wayuu awüriiroʼu soʼu palajatka saawanoʼu
«Soʼu kaʼikat tüü, awaraijaashii waya naaʼu na wayuukana süpüla watütüleʼerüin naaʼin sünain naashajeʼerüin tü Wiwüliakat, akatsaʼa eeshi na aküjakana wamüin isain nachiki nayaawatüin saaʼu tü sümakat tü Wiwüliakat. ¿Jamüsüjaʼa saaʼin pümüin tia? ¿Kapüleesüche ayaawataa saaʼu tü sümakat tü Wiwüliakat? [Puuʼulaa nusouktai.] Piirakaa tü sümakat tü pütchikat.» Paashajeʼera nümüin tü pütchi süsapoʼujeekat Aapiria wayuu ojuʼitaka awüriiroʼu 1. Pikiraja nia sünain tü palajatkat asakiraa jee paashajeʼera waneesiaakaijeʼe pütchi suluʼujee tü Wiwüliakat. Paapa tü rewiisütakat nümüin otta püküja püleʼejeechin püchikuaʼa süpüla pikirajüin nia sünain tü wanee asakiraakat.
Aapiria Wayuu Awüriiroʼu 1
«Eesü wainma kasa mojusü alataka namüin waneʼewai nakua na wayuukana, makalaka eein eeka naashajaain suluʼu naaʼin süchiki aneerüle nakuwaʼipa soʼu wanee kaʼi sümaa talatüin naaʼin. ¿Kasache wayuu tü nnojotkat anain atuma sukuwaʼipa wayuu suluʼu talatüinjatüin saaʼin? [Puuʼulaa nusouktai.] Tü Wiwüliakat süküjüin wamüin sajaʼttinneerüin tü kasa mojusü alatakat wamüin [paashajeʼera Alateetkat Mapeena 21:4]. Karalouktakat tüü, aashajaasü süchiki jameerüin wakuwaʼipa mapeena, aashajaasü süchiki tü kasa waaʼinrüinjatkat süpüla talatüin waaʼin maaʼulu yaa.»
¡Despertad! Awüriiroʼu
«Joutsü maʼin sainküin tü mmakat sünain sütkaain maʼin wayuu sümaa süpüshi. Aainjüshi kasa mojusü wanee wayuu süka nüshatüin tia sünainjee nüpüshi jee shiale shia sutuma tü akuwaʼipaa ekirajünakat anain nia. Tü kasa naainjakat aaʼujee, shia süka nünajüin kasa mojusü suluʼu telewisoot, sümaa naapajüin süchiki atkawaa. ¿Jaratche shikiisüka maʼin tia kasa mojusü alatakat? [Puuʼulaa nusouktai.] Taashajeʼerüin paala pümüin wanee pütchi suluʼujeejatü tü Wiwüliakat eere süküjüin jamüinjatüin nakuwaʼipa na kaʼwayuusekana [paashajeʼera Éfeso 5:33]. Rewiisütakat tüü, aashajaasü süchiki pütchi suluʼujeejatü tü Wiwüliakat akaaliinjaka wainma wayuu süpüla anajiraain nakuwaʼipa sümaa naʼwayuuse.»