Süpüshi tü wanüikinjatkat

Suʼttia shikirajia wayuu juulioʼu soʼu palajatka saawanoʼu

«Kateesü noʼu na wayuukana soʼu wainma juya sümaa talatüin naaʼin: ¿Kateetche woʼu süpüla kaʼika süpüshuaʼa natuma na atüjüshiikana maʼin otta na tottootkana? ¿Jamüsüjaʼa pünüiki?» Süchikijee nusouktüin, piiʼiyata nümüin tü pütchi süsapoʼujeekat tü rewiisütakat Aapiria wayuu ojuʼitaka juulioʼu otta pikiraja nia sünain tü palajatkat asakiraa jee paashajeʼera waneesiaakaijeʼe pütchi suluʼujee tü Wiwüliakat. Paapa tü rewiisütakat nümüin otta püküja püleʼejeechin püchikuaʼa süpüla pikirajüin nia sünain tü wanee asakiraakat.

Pütchi: Pütchikat tüü, eeʼiyatünajatü sünain tü outkajawaa aainjünajatkat süpülapünaa ojuʼitaa sünain aküjaa pütchi juulioʼu soʼu tü palajatkat saawanoʼu.

Aapiria Wayuu Juulioʼu 1

«Wainma na wayuu waashajaainnaka amaa oʼunakana suluʼu waneeirua iküleesia. Eeshii na nnojoliinnapakana oʼunüin suluʼumüin wanee iküleesia süka alawaain neʼe tü shikirajakat anain ¿Jamüsüjaʼa pünüiki süchiki tia? [Puuʼulaa nusouktai.] Nüküjüin Jesuu kaseerüin wayaawatüin anainjee shiimainre tü shikirajakalü anain wanee iküleesia [paashajeʼera Lucas 6:441]. Ekirajaana anainrü suluʼu rewiisütakat tüü waneeirua kasa mojusü aainjünaka suluʼu tü iküleesiakalüirua otta asouktünüsü shiʼipajee pütchikat tüü: ‹¿Eesüche wanee iküleesia ekirajaka tü shiimainkat?›.»

¡Despertad! Juulioʼu

«Yaapünaashire waya waraittüin jaaʼu süpüla waashajaain jümaa süchiki wanee kasa mojusü alataka maʼin sümüin wayuu: shia müliain wayuu atumawaa. Wainma kasa saaʼinraka wayuu sutuma müliain naya atumawaa. ¿Eejeetche anouktaain tia sutuma tü kasa naaʼinrakat? [Puuʼulaa nusouktai.] Süküjüin tü Wiwüliakat jetsüin maʼin sukuwaʼipa süpüla sajaʼlajaain tia [paashajeʼera Mateo 6:9, 10]. Suluʼu rewiisütakat tüü aküjünüsü süchiki nnojoluinjanale müliain waya atumawaa sükajee naaʼinrüin wainma kasa na wayuukana shiiʼiree nanouktüin tia.»

Pütchi anasü nutuma Maleiwa

«Waküjeein pümüin wanee pütchi anashaatasü maʼin suluʼujeejatü tü Wiwüliakat. Watta naalii na wayuu asakitkana naaʼin jamüin nuuʼulaaka Maleiwa müliain wayuu mayaapejeʼe aipüralin nia. ¿Niʼitaainche waya Maleiwa yaa saaʼu tü mmakat süpüla müliainjanain waya? ¿Jamüsüjaʼa pünüiki?» Puuʼulaa nusouktai otta süchikijee pikiraja nümaa sünain tü pütchikat waneeshia otta piama suluʼujee tü ekirajaayakat 5 otta tü pütchi suluʼujeejatkat tü Wiwüliakat püleeja makat. Paapa nümüin tü poyeetokot otta püküja püleʼejeechin püchikuaʼa süpüla pikirajüin nia sünain tü asakiraakat piama yuuika ashajia.